Umuna a Surat ken Timoteo 2:1-15
2 Umuna iti amin, ibalakadko ngarud a maaramid koma dagiti panagpakaasi, kararag, panangibabaet, ken panagyaman maigapu iti amin a kita ti tattao,
2 maigapu kadagiti ari ken kadagiti nangato ti saadna,*+ tapno maitultuloytayo ti agbiag a natalna ken naulimek nga addaan iti naimpusuan a debosion iti Dios ken kinaserioso.+
3 Nasayaat ken makaay-ayo daytoy iti imatang ti Dios, a Manangisalakan kadatayo,+
4 a pagayatanna a maisalakan koma ti amin a kita ti tattao+ ken maaddaanda iti umiso a pannakaammo iti kinapudno.
5 Ta maymaysa ti Dios,+ ken maymaysa ti mangibabaet+ iti Dios ken kadagiti tattao,+ maysa a tao, ni Kristo Jesus,+
6 a nangted iti biagna kas katupag a subbot para iti amin*+—mapaneknekanto daytoy iti naikeddeng a tiempo.
7 Tapno mapaneknekan daytoy,+ nadutokanak kas manangaskasaba ken apostol+—ibagbagak ti pudno, saanak nga agul-ulbod—maysaak a mannursuro kadagiti nasion+ maipapan iti pammati ken kinapudno.
8 Gapuna, tarigagayak nga agtultuloy koma nga agkararag dagiti lallaki iti tunggal lugar, a nakangato dagiti nasantuan nga imada,+ nga awanan iti pungtot+ ken panagdedebate.+
9 Kasta met, agusar koma dagiti babbai iti maitutop* a bado, buyogen ti kinaemma ken kinasimbeng ti panunot,* saan a kadagiti nagarbo a panangsallapid iti buok ken balitok wenno perlas wenno nakanginngina a bado,+
10 no di ket iti maitutop kadagiti babbai a mangibagbaga nga agdaydayawda iti Dios,+ kayatna a sawen, babaen ti naimbag nga ar-aramid.
11 Siuulimek* koma nga agsursuro ti babai, a naan-anay nga agpasakup.+
12 Saanko a palubosan ti babai a mangisuro wenno mangituray iti lalaki, no di ket agtalinaed koma a naulimek.*+
13 Ta immuna a naporma ni Adan, sa ni Eva.+
14 Maysa pay, saan a naallilaw ni Adan, ngem naan-anay a naallilaw ti babai+ ket nagbasol.
15 Nupay kasta, natalgedto ti babai babaen ti panaganakna,+ no la ket ta agtalinaed* iti pammati ken ayat ken nasantuan ken nasimbeng ti panunotna.*+
Footnotes
^ Wenno “addaan iti autoridad.”
^ Wenno “amin a kita ti tattao.”
^ Wenno “nanakman.”
^ Wenno “nasayaat a panagdesision.”
^ Wenno “Sitatalna.”
^ Wenno “natalna.”
^ Lit., “agtalinaedda.”
^ Wenno “nasayaat ti panagdesisionna.”
