IJihova tịtọ kahị ka chị ọkẹkẹnị bala ọ-dọmwụ ka yụya ụka ọhẹ. Ma, ụya ọyaya bala ịhọhọ nya ẹka wuu à họ́ọ lẹ? Ányị ahị tị́ ka bwu mẹjẹ nyori iJihova háahị u-uhye nya ẹlẹwẹ?

1. Ịyẹ tị́ du ká iru nya ụya oyaya wụ́ iJihova ẹjẹ?

Ọhẹka ọ ka lang ẹbyẹbyị nyọka jẹ́ nyori ịhọhọ nya ụya ọyaya lụmẹ-lụmẹ dọmwụ bwu ẹga nya ala ijiga bala ịmẹjẹ nya ịnịịkịla. Ịhọhọ ịlịnyị ka dori wu ịgba ọgbagba nya ọnọọkịla myị́. Ịhyẹ ri ang nya alegu inyibyi lee ọ-kpụnịrọ ọmẹjẹ nyori ugbodu okpukpuru nya ọngịnyị nyịị gbu ẹnẹnẹhẹ ka. Ịhyẹ dọmwụ bwu ẹla nya ịnịịkịla ịlẹ ká angịnyị myị la, lee ọmẹjẹ nya ụrụrụ ọháha lee ụrụrụ ọbyịbyị. (Ayịsaya 65:11) IJihova da anchẹ nyamwụ ọna yẹkẹẹ: “Chị ebwo datị ham mẹ. . . . Anụ yụbwọ nyanụ gu ịngịngịhyẹ ọlẹ kọ chịrị ị-ịlahị nyam Am Ohe Oluhye ka.”—2 Ala ịKọrịntị 6:17. a

2. Ányị iJihova à tị́ yẹ ịhọhọ ịlẹ kị kaa ya ihi ha angịnyị ehe kpoye nya oyi?

IJihova gbileehi ụbwọ ụ-ụrụ nyori ahị nyị “dahịhile angịnyị” ehe ka. (Wa iJeremaya 17:5.) Ị kaa họ ọhụhụ ịhyẹ nyọka ya ihi ha alegbeju bala angịdẹwụ. Ịhọhọ nya ụya ọyaya ịkịla kaa ri ịtịya ọkpụkpụ nya ụka ọlẹ ká ẹpwụma la ịlaa bala ọ-ka ya ihi ha ang ẹjẹẹ nya ẹpwụma, lala ápwụ̀ nya ẹpwụma. (1 ịJọn 5:21) Ị myịmyị kaa họ ọhụhụ ịkịla nyọka ya ihi ha alupe lee ogu ịkịla. Ányị ọ tị́ ka la iJihova kori kahị ya ihi o-pwoku-ka ha ọngịnyị lee ogu ọhẹ-lọhẹ, ọgụgụụgụ kori ká angịịwa-á kaa mẹ ẹla ọlẹ ko pwoku irya nya Ohe ka jẹ?

3. Abwẹla ụma iyina à tị́ ka du ká iJihova ka ye ụya ọyaya ịhyẹ myị ka?

ỊBayịbụụ pwa ẹla nya “ere ọnwanwa juwa ya bala angị juwa la ọjịra-jịra nya ụya ọyaya onyobyi [bala o-juwa] wụrụ awụlẹ ẹpwa [lee ọ-chị awụlẹ ọnụ, NW] nya ere ọnwanwa.” (1 iPita 4:3) Ụya ọyaya ịhyẹ kaa ju angịnyị ọhụ nyọka họ ẹla la o-wu ịlaa kpa ka bala ọ-ka họ ụ́ya. Nyọka ri aligu nya iJihova, ahị baba nyọka cheji ba hwẹẹ hi abwẹla ịchịrị ịlịịwẹ.

 JẸ́ GỤ ỌỌWA

 5. Da angịkịla ụbwọ nyọka ju ẹla ọlẹ ká myị ju ihi

6. IJihova tịtọ kahị ka chị ọkẹkẹnị

IJihova tịtọ káahị bala alugbiyegu bala aligu nyahị ka bịrị ụka lawụlẹ bala ọ-ka chị ọkẹkẹnị. Wa Ọngọlirya 8:15, kanụ ya ẹla u-uhye nya ịtọ ẹla ọlẹ:

• Ányị ọgba ọwẹ à tị́ mẹjẹ nyori iJihova tịtọ kahị ka chị ọkẹkẹnị?

IJihova tịtọ ká angịnyị nyamwụ ka yụya bala ọ-ka chị ọkẹkẹnị lawụlẹ. Yẹ IFIM ọwẹ nyọka yẹ jaabwọ ká ẹlẹwẹ mẹjẹ gede-gede ọọjịra-jịra ịtụka nyahị ịlẹ ká ẹpwụma lụmẹ-lụmẹ kaa họ lawụlẹ.

Wa Ala ịGaletiya 6:10, kanụ ya ẹla u-uhye nya ịtọ ẹla ịlẹ:

• O ri o-pyii kahị ka yụya nya ẹka ene kahị ka họ ‘ang ọnyịịla’ ha angịkịla?

• Oyina à tị́ ka ya ọkẹkẹnị hang gụ: Ọ-ka hu ha nya ọ-jẹ́ abwẹhẹ ka họ ka lụka nya ẹka, lee o-hu ha bwu ọkịlẹtụ tị́?

• Ụka lụmẹ-lụmẹ, iru nya Alibeenu nya iJihova kaa họ ang ịkpịpyọ-kpịpyọ lee ọ-dọmwụ ya āhị ha anyị nyaa. Kori ká ma anyị lẹ, ang ịkpịpyọ-kpịpyọ ụma iyina a tị́ ka jẹ́-ẹ họ haa?

 ẸLỊYẸ A TỊ́ JẸ́?

IJihova tịtọ kahị ka chị ọkẹkẹnị lawụlẹ bala alugbiyegu bala aligu nyahị. Ọ tị tịtọ kahị cheji ba hi ụya ọyaya ịlẹ kị wọ́ọ ẹjẹ ịnyịnyị.

Ẹlịyẹ A Tị́ Yụbwọ Chị?

• Ịtọ ẹla iyina ahị tị́ ka jẹ́-ẹ tọ nyọka jẹ́ kori ká ụya ọyaya ọhẹ á wụ́ iJihova ẹjẹ?

• Ányị ahị tị́ ka bwu wụlẹ eje ọchịchị nyahị u-uhye nya ụya ọyaya je alugbiyegu bala aligu nyahị?

• À tị́ họ ányị ká jẹ́ nyori iJihova tịtọ kahị ka chị ọkẹkẹnị bala ọ-ka yụya?