Ọya Ọhọhẹ 8-14
IJOBU 34-35
Eje 30 Bala Abwọ Ọrịrị | Ẹla ọ-Kpa Wụrụ Ọjịra-jịra (Iminiti 1)
1. Ụka kọ Lala o-Ri Ang Ịtịpyọ Ja Họ ta Angị Ịnyịịla
(Iminiti 10)
Kpịtịya nyori i-iJihova á ju ọmwụ nya ẹla ọkịrọrọ ka (Job 34:10; wp19.1 8 ¶2)
Ọ ka lala o-ri angị ịnyịbyị nyị́ yẹ akama chajị nya ang onyobyi nyaa ka myị; ma, ị ka jẹ́-ẹ kpịbaa hi iJihova ka (Job 34:21-26; w17.04 10 ¶5)
Ụgbẹyị ọlẹ kọ há gụ wuu nyọka da angịlẹ kị chịpwụrụ bwu ẹpwụ nya ẹla ọkịrọrọ ụbwọ, ri ọ-ka mẹ ang jáa u-uhye nya iJihova (Job 35:9, 10; Mat 28:19, 20; w21.05 7 ¶19-20)
2. Ang Ụdụ nya Olegu
(Iminiti 10)
Job 35:7—Ányị Elihu à tị́ wẹẹ ya ụka kọ tọ iJobu wo yẹkẹẹ: “Ịyẹ kpong-kpong [Ohe à] tị́ ka tịtọ wẹ ụbwọ nyang-ǹg wẹ-ẹ̀?” (w17.04 29 ¶3)
Ẹla i-ju apyobwuna iyina a tị́ jẹ́ bwu ịBayịbụụ ọwawa nya epwihi ọlẹ?
3. ỊBayịbụụ Ọwawa
(Iminiti 4) Job 35:1-16 (th ang ọjẹ́jẹ 10)
4. Dọmwụ nya Ẹla Oyaya ụ-Ụgbẹyị Ọnyịịla
(Iminiti 3) BWU ẸPWA KA ẸPWA. Ya ẹla nya ịBayịbụụ ọjẹ́jẹ ta ọngọọwa. (lmd ang ọjẹ́jẹ 10 ẹhị nya ẹla 3)
5. Dọmwụ nya Ẹla Oyaya ụ-Ụgbẹyị Ọnyịịla
(Iminiti 4) ẸLA OHE OYAYA LỤKA Ọ-KPAHỊ JU KA. Mẹjẹ ọngọlẹ kọ la anjwo jaabwọ kọ ka bwu ye ẹhị nya ẹla ịlẹ kị ka da adịda bala ịnịna ụbwọ bwu jw.org. (lmd ang ọjẹ́jẹ 1 ẹhị nya ẹla 4)
6. Da Angịkịla Ụbwọ Nyọka Ri Angịjụgbẹyị
Eje 58
7. A Nwụlanọ Nyọka “Ya Ẹrụ Ọnyịịla nya Ohe Oluhye” Lụka ọ-Kpahị Ju Ka?
(Iminiti 15) Ẹla o-ya lawụlẹ.
ỊPọlụ ju iTimoti ọhụ yẹkẹẹ: ‘ya ẹrụ ọnyịịla nya Ohe Oluhye ọlẹ pyẹ. Aa juwa họọ la agaga mẹ.’ (2Tim 4:2) Omyi ẹla nya iGiriki ọlẹ kị yẹda kaka ri ‘Aa juwa họọ la agaga mẹ’ wẹẹ, ụka ọhẹ ị kaa kpa ya ẹla rụ́ ọngọdẹwụ lee ọngọgbeji ọlẹ kọ nwụlanọ kụ giri-giri ụka wuu ẹ-ẹga nya ụkụrwọ nyamwụ. Omyi ẹla ọwẹ chabwọ kpangga jaabwọ kahị nwụlanọ ụka wuu nyọka kpa iwe ọnyị myị́ ọnyị kahị la họ ụkụrwọ nyọka yẹ oja ojaja kpata ka ẹrụ ọnyịịla oyaya.
Ọháha ọlẹ kahị la ẹ-ẹga nya iJihova bala ang ịlẹ wuu kọ họ hahị, ọ-myịhị lẹhị a kaa guhi gbịla nyọka ya abwẹla ịhụ́hị-hụ́hị nyamwụ je angịkịla lẹ.
Wa Eje Ọnyịịla 71:8. Ká tọ alọjịra-jịra wo:
Ang ịnyịịla iyina u-uhye nya iJihova a tị́ ka jẹ́-ẹ ya ẹla chajị nyaa je angịkịla?
Ọháha ọlẹ kahị la ẹ-ẹga nya angịkịla kaa guhi gbịla nyọka ya ẹla Ohe lụka ọ-kpahị ju ka.
Mẹ IFIM ọwẹ jẹ Jaabwọ ká Ohu Ịmanyịtị nya Angịnyị Jẹ́ Ẹlịlẹhị Bwu ỊBayịbụụ. Ká tọ alọjịra-jịra ịtọ wo:
Ányị ẹla Ohe oyaya lụka ọ-kpahị ju ka à tị́ bwu da angịnyị angị ohu ịmanyịtị ụbwọ wẹ kaka jẹ́ ẹlịlẹhị bwu ẹpwụ nya ịBayịbụụ?
Ányị angịlẹ kị ri ala ịchọọchị ene-ene à tị́ bwu yé apyobwuna bwula ọlẹ kị jẹ́ ẹlịlẹhị?
Ányị ọháha ọlẹ kahị la ẹ-ẹga nya angịnyị à tị́ kaa guhi gbịla nyọka ya ẹla Ohe lụka ọ-kpahị ju ka?
Ịyẹ tị́ du ká kụ irya nyori ẹla Ohe oyaya lụka ọ-kpahị ju ka nyị ri ụgbẹyị ọnyịịla ọ-ka kpa da angịkịla ụbwọ wẹ kaka jẹ́ iJihova?
8. ỊBayịbụụ Ọjẹ́jẹ nya Ọjịra-jịra
(Iminiti 30) bt egbeju 4 akpa ọla ẹbẹ 33
