Ɔya Ɔmahaapa 15-21
AÍJĒ KÚ Ɛ̄GBĀ 63-65
Ijé Ɔmɛ 108 mla Ɔkɔ o gba | Aɛlā O Bi Gbɔɔ (uminiti 1)
1. “Ihɔtū Nāa Lɛ Lɛ Ɔ̄cɛ Eko Dóódu Ā Lɔhi Fíyɛ́ Oyēeyī Abɔ̄yī Nū Á”
(uminiti 10)
Ɛnɛɛnɛ ɛma ō lɛ mla Ɔwɔico lɔhi fiyɛ oyeeyi abɔyi nu a (Aíjē 63:3; w01 10/15 15-16 ¶17-18)
Ɔdaŋ ku alɔ gbɛla lɛyikwu ɛgɛ nɛ Ujehofa mafu ihɔtu nōó gē mɛ gboogboo ŋ ma lɛ alɔ, ó géē ya ku Ujehofa kóō jɛ alɔ eyī tōōtɔ̄ɔ̄ (Aíjē 63:6; w19.12 28 ¶4; w15 10/15 24 ¶7)
Ɔdaŋ ka ihɔtu nōó gē gboogboo ŋ nɛ Ɔwɔico gē mafu lɛ alɔ a jɛ alɔ eyī, alɔ géē gweeye ō yɔ i je owoofu lɛ ɔ (Aíjē 63:4, 5; w09 7/15 16 ¶6)
ƆDĀ NƐ A LƆFU BI LE YA Ɛ̄GBĀ Ō GBA KU APƆLƐ: Kɛla lɛyikwu ɔwɛ ɛyɛɛyɛyi nɛ Ujehofa mafu ihɔtu nōó gē mɛ gboogbo ŋ ma gā uwɔ.
2. Ɛnɛɛnɛ Ɛlā Nɛ Alɔ Nwu Ŋma Ɛlā Ɔwɔico
(uminiti 10)
-
Aíjē 64:3—Ɛgɛnyá nɛ ɔgba nyā lɛ abɔ kwu alɔ ɔtu ku alɔ yɔ i ka aɛlā olɔhi a? (w07 11/15 15 ¶6)
-
Agbenu nyá nɛ a má ŋma ipu Ubáyíbu ō jé ku alaadi nyā nɛ a géē dɔka ō kɔ mɛmla alɔ a?
3. Ubáyíbu Ō Jé
(uminiti 4) Aíjē 63:1–64:10 (th oklɔcɛ ɔmɛ 12)
4. Ō Gbɔɔ Ɔka Ō Ka
(uminiti 2) Ō ŊMA ƆLƐ GĀ ƆLƐ. Ondu ɔlɛ a i gē ka uce ku uwɔ ŋ. (lmd ɛlā ō nwu ɔmɛ 3 ogwotu 4)
5. Ō Gbɔɔ Ɔka Ō Ka
(uminiti 2) Ō KƐLA ƆWƆICO EKO NƐ Á YƆ I TƆƆNA Ŋ. Ɔka ō ka a le ŋmɛyi gbɔbu ɛɛ ku a tɔɔna. (lmd ɛlā ō nwu ɔmɛ 2 ogwotu 4)
6. Ō Gbɔɔ Ɔka Ō Ka
(uminiti 3) Ō TƆƆNA ƐGA NƐ ƐWA KU ĀCƐ GĒ BA. Da ɔcɛ a ɔka ka ikpɛyi ɛlā nōo he ɔ ɔtu, ku a ya ōmiya ō cigbihi gā ɛgiyi nu kpɔ. (lmd ɛlā ō nwu ɔmɛ 1 ogwotu 5)
7. Ō Lɛ Ɛlā Nɛ A Kpɔtuce A Teyi Peee
(uminiti 4) Ocabɔ Mafu. ijwfq 51—Ikpɛyi Ɛlā: Ɔdiya Nɛ Ācɛ Ocijali Ku Ujehofa Gē Kɛla Mla Ācɛ Nōo Ka Gbɔbu Kahinii: “Ń Dɔka Ō Jahɔ Ŋ Ma”? (lmd ɛlā ō nwu ɔmɛ 4 ogwotu 3)
Ijé Ɔmɛ 154
8. Ɛgɛ Nɛ Alɔ Gē Mafu Ihɔtu Lɛ Ɔwɔico
(uminiti 15) Ɔka o ka.
Ujehofa gē mafu ‘ihɔtu nōó gē mɛ gboogboo ŋ.’ (Aíjē 86:15) Ɛlā nōo wɛ ‘ihɔtu nōó gē mɛ gboogboo ŋ ma’ gē wa ŋma lɛ ɛgɛ nɛ a lɛ ɔtu ku uwɔ tu ɔ, ɛgɛ nɛ a hayi kpaakpa mla ɛgɛ nɛ a kwu ɔcɛ ajaajɛ lɛ a. Naana nɛ Ujehofa gē mafu ihɔtu lɛ ɛjɛɛji alɛɛcɛ a, ‘ihɔtu nōó gē mɛ gboogboo ŋ’ ma wɛ ɛdɔ ku ihɔtu nɛ ó gē mafu lɛ ācɛ nōo gē gba ɔ ɛ̄gbā nōo lɛ ɛnɛɛnɛ ɛma mla ɔ foofunu. (Aíjē 33:18; 63:3; Ujɔ́n. 3:16; Ācot. 14:17) Alɔ lɔfu mafu ka ihɔtu nōó gē mɛ gboogboo ŋ nɛ Ujehofa gē mafu lɛ alɔ a jɛ alɔ eyī ŋma lɛ ō mafu ihɔtu lɛ ɔ duu. Ɛgɛnyá a? Ŋma lɛ ō lɛyitaajɛ lɛ aíne ku nu, kwu íne nōo ku alɔ kóō ‘lɛ ācɛ pīya ayíkpó a.’—Umát. 28:19; 1 Ujɔ́n. 5:3.
Lɛ UVIDIO nyā mafu Mafu Ihɔtu Nōó Gē Mɛ Gboogboo Ŋ, Ipu Uklɔ Ku Ɔna Ō Ta. Cɛɛ a lɛ ɔka nōo ba nyā da ayinɛ a kahinii:
Ɛgɛnyá nɛ ihɔtu géē lɛ abɔ kwu alɔ ɔtu ō tɔɔna ku ɔkoolɔhi a eko
-
nɛ ɛ̄jɛ̄ le jɛ alɔ a?
-
nɛ ācɛ yɔ i bɛyikwu alɔ a?
-
nɛ alɔ gē ya ɔdā nɛ alɔ gē ya ɛ̄cī doodu a?
9. Ubáyíbu Oklɔcɛ Ku Ujɔ
(uminiti 30) bt ɛyi 12 ¶14-20
