ƐLĀ Ō NWU ƆMƐ 34

Ɔdi Nɛ Alɔ Gēé Ya Ku Alɔ Mafu Lɛ Ujehofa Ku Alɔ Yihɔtu Nu A?

GBƆƆ

Ŋma eko nɛ a gbɔɔ ō klɔcɛ ku Ubáyíbu a, ihɔtu nɛ a lɛ lɛ Ujehofa a nwune fiyɛ? A gē dɔka ō gɔbu yɔ i ya ku ɛma ku uwɔ mla anu kōó yɔ i lɔfu tōōtɔ̄ɔ̄? Ó lɛ a, bla ka abɔ Ujehofa yɔ i má ka ihɔtu nɛ a lɛ lɛ ɔ a yɔ i nwune tōōtɔ̄ɔ̄ a, ɛgɔɔma nɛ ó gáā yihɔtu klla lɛ ɛlá wu uwɔ duu a. Ɛgɛnyá nɛ a gáā mafu lɛ ɔ ku a yihɔtu nu a?

1. Ɛgɛnyá nɛ alɔ gáā mafu lɛ Ujehofa ku alɔ yihɔtu nu a?

Alɔ gē mafu lɛ Ujehofa ku alɔ yihɔtu nu ŋma lɛ ō lɛyitaajɛ lɛ ɔ. (Jé 1 Ujɔ́ni 5:3.) Ó gē kwu ɔcɛ duuma ba ɔ ka ó lɛyitaajɛ lɛ ɔ ŋ. Ikɔkɔ ɔɔma, ó jɛga lɛ eyeeye ku alɔ ō lɛyitaajɛ lɛ ɔ amāŋ ō ta ō lɛyitaajɛ lɛ ɔ. Ɔdiya a? Ujehofa dɔka ku alɔ “bī ɔtū kú [alɔ] kwú ɛyí ú táajɛ.” (Ācɛ Uróm 6:17) Ɔwɛ ɔhá ku nu, ó dɔka ku alɔ lɛyitaajɛ lɛ ɔ ohigbu ihɔtu nɛ alɔ lɛ lɛ ɔ a, ó wɛ ohigbu ka ó dɔka ku alɔ ya lɛ a ŋ. É ya aya 3 mla 4 ku ɔkpá nyā kóō ta uwɔ abɔ ku a mafu ihɔtu lɛ Ujehofa ŋma lɛ ō ya ɔdā nōo he ɔ ɔtu mla ō habɔ aɔdā nōó he ɔ ɔtu ŋ ma ta.

2. Ɔdiya nōó lɔfu lɔnɔ tu alɔ ō mafu ihɔtu lɛ Ujehofa a?

“Unwalu mɛ́mla ōwē kú ācɛ okpaakpa ā lɛwa nɛ̄hi.” (Aíjē Kú Ɛ̄gbā 34:19) Ɛjɛɛji alɔ gē nya mla á jila iyē ŋ ku alɔ. Alɔ klla lɔfu má unwalu ku ije, aɔdā nōó le kpaakpa ŋ, mla akanya alɛwa ɔhá. Eko duuma nɛ alɔ yɔ i má unwalu ɛyɛɛyɛyi, ó lɔfu lɔnɔ tu alɔ ō ya ɔdā nɛ Ujehofa dɔka a. Ohigbu kóō lɔfu tɔɔtɛ fiyɛ ku ɔcɛ kóō hii lɛyitaajɛ lɛ Ujehofa ŋ. Amáŋ, ɔdaŋ ku a hayi kpaakpa lɛ Ujehofa klla yɔ i ya ɔdā nɛ ó da uwɔ ku a ya a, ɔɔma wɛ ku a yɔ i mafu ku a yihɔtu ku Ujehofa fiyɛ ɔdā duuma ɔhá. Ɛnyā kē mafu ku a yɔ kwu Ujehofa gā ajaajɛ yɔ abɔɔ a. Ó kē géē yɔ kwu uwɔ gā ajaajɛ duu. Ó klla gáā habɔ uwɔ ta ŋ.—Jé Aíjē Kú Ɛ̄gbā 4:3.

JÉ GƆBU

Nwu ɔdā nōo ya ɛɛ nɛ ɔtu gē he Ujehofa eko duuma nɛ a lɛyitaajɛ lɛ ɔ a, mla ɔdā nōo géē ta uwɔ abɔ hayi kpaakpa lɛ ɔ a.

3. Ɛlā éyi nōo lɛ ō ya mla uwɔ

Ipu ɔkpá ku Ujobu, alɔ jé ka Usetan kpɛla ce Ujobu mla oduudu ācɛ nōo dɔka ō gba Ujehofa ɛ̄gbā a. Jé Ujóbu 1:1, 6–2:10, cɛɛ ku aa kɔka lɛyikwu aɔka nōo ba nyā:

Ŋma ɛlā nɛ Usetan ka a, ɔdiya nɛ Ujobu yɔ i gba Ujehofa ɛ̄gbā a?—Má Ujóbu 1:9-11.
Ɔdi nɛ Usetan ka lɛyikwu oduudu alɛɛcɛ, kwu awɔ abɔyi uwɔ duu a?—Má Ujóbu 2:4.

Jé Ujóbu 27:5b, cɛɛ ku aa kɔka lɛyikwu ɔka nyā:

Ɛgɛnyá nɛ Ujobu mafu ka ó yihɔtu ku Ujehofa ɔkwɔɔkwɛyi a?

Ujobu mafu ka ó yihɔtu ku Ujehofa ɔkwɔɔkwɛyi ŋma lɛ ō hayi kpaakpa lɛ ɔ

Alɔ gē mafu ku alɔ yihɔtu ku Ujehofa ŋma lɛ ō hayi kpaakpa lɛ ɔ

4. Ya ku ɔtu kóō he Ujehofa

Jé Aíita 27:11, cɛɛ ku aa kɔka lɛyikwu aɔka nōo ba nyā:

Ɛgɛnyá nɛ ɔtu gē ya Ujehofa lɛ ɔdaŋ ku a lɛ ijeeyi jé klla lɛyitaajɛ lɛ ɔ a? Ɔdiya a?

5. A hayi kpaakpa lɛ Ujehofa gla

Ihɔtu nɛ alɔ lɛ lɛ Ujehofa a gē cɛ lɛ alɔ da ācɛ ɔhá lɛyikwu ɔ. Ō hayi kpaakpa ku alɔ lɛ Ujehofa gē cɛ lɛ alɔ da ācɛ ɔhá lɛyikwu ɔ ɔdaŋ nōó kóō tɔɔtɛ ŋ naana. Lɛ UVIDIO nyā mafu, cɛɛ ku aa kɔka lɛyikwu aɔka nōo ba nyā.

UVIDIO: Hayi Kpaakpa Ipu Ɔtu Okpoce Naana Nɛ A Yɔ I Má Unwalu (5:09)

Ó gē lɔnɔ ta uwɔ ō da ācɛ ɔhá lɛyikwu Ujehofa?
Ipu uvidio nyā, ɔdi ta u Grayson abɔ ka ó lɛ ufi ku nu yale a?

Ó gē tɔɔtɛ ō hayi kpaakpa lɛ Ujehofa fiyɛ ɔdaŋ ku a yihɔtu ɔdā nɛ ó dɔka klla wɔtu ku ɔdā nɛ ó dɔka ŋ ma. Jé Aíjē Kú Ɛ̄gbā 97:10, cɛɛ ku aa kɔka lɛyikwu aɔka nōo ba nyā: