Ō GBƆƆ ƆKA Ō KA
ƐLĀ Ō NWU ƆMƐ 3
Ogbonɛnɛ
Ukɔ́: “Ɔ́dāŋ ka ɔ̄cɛ he uwɔ ɔtū . . . a kē í gbonɛnɛ lɛ ɔ́.”—1 Ukɔ́r. 13:4.
Ɔdā Nɛ Ujisɔsi Ya
1. Lɛ VIDIO nyā mafu, amāŋ jé Ujɔ́ni 9:1-7. Cɛɛ a leyi yɛ aɔka nōo ba nyā:
-
Ɔdi nɛ Ujisɔsi ya aflɛyi a—ó lɛ opeyi a hɛta nɛɛ, kɛɛ ka ó kɛla lɛyikwu ɔkoolɔhi a mla anu?—Má Ujɔ́ni 9:35-38.
Ɔdi Nɛ Alɔ Nwu Ŋma Ɛgiyi Ujisɔsi A?
2. Ɔcɛ lɔfu jahɔ lɛ olɛhɔ ku alɔ ɔdaŋ ka ó má ku alɔ lɛ ɛlá wu ɔ.
Gbla Ujisɔsi Ya
3. Lɛ ɛlá wu ɔcɛ a. Ceyitikwu ku a gbɛla lɛyikwu ɛgɛ nɛ ɔtu gē ya ɔ lɛ a.
-
Da iyi uwɔ ɔka: ‘Ɔdi nɛ ó lɔfu yɔ i junwalu lɛ iyi nu lɛyikwu ɔ a? Ɔdi lɔfu ta ɔ abɔ klla he ɔ ɔtu a?’ Ō ya ɛnyā géē ta uwɔ abɔ mafu ogbonɛnɛ ɔwɛ nōo lɔhi fiyɛ duu a.
-
Mafu ku a lɛ ɛlá wɛ aɔdā nōo cɛgbá lɛ ɔ a ŋma lɛ ō jahɔ tu ɔ. Ɔdaŋ ku ɔcɛ lɛ ɛgɛ nɛ ɔtu ku nu yɔ i ya ɔ lɛyikwu odee a da uwɔ amāŋ ó le da uwɔ lɛyikwu unwalu nɛ ó yɔ i má, a hii piya ikpɛyi ɛlā ɔɔma abɔ ŋ.
4. Kɛla ɔwɛ ogbonɛnɛ klla mafu ojilima. Ɔdaŋ ku a lɛ eyinyinyi ku ɔcɛ a nɛ a klla dɔka ō ta ɔ abɔ ɔkwɔɔkwɛyi, ɔcɛ ɔɔma géē jé ŋma lɛ ɔwɛ nɛ a gē kɛla a. Leyi kwɛɛcɛ ku ɛdɔ ɛlā nɛ a gē ka mla ɛgɛ nɛ a gē ka ɔ a, a kē hii kɛla nōo géē ta ɔcɛ icɔnu ŋ.
5. Bēē je otabɔ. Dɔka ɔwɛ ɛyɛɛyɛyi nɛ a géē je otabɔ lɛ ɔcɛ. Ɔdaŋ ku alɔ gbonɛnɛ lɛ ɔcɛ, ó géē tɔɔtɛ lɛ ɔ fiyɛ kóō kɛla mla alɔ.
