Jauh ari pengisuk ba begian bandar, bisi orang ke datai ari mayuh macham bansa sereta bansa jaku diau ba utan Amazon di Amerika Serikat. Nya alai, kena Julai 2017, 13 iku orang Saksi-Saksi Jehovah berengkah enggau ekspedisi nengah Sungai Maroni, enggau anak sungai bukai ba Guiana Perancis. Nama tuju sida? Ngerembaika Berita Manah, ti mai pengadang ngagai semua orang ke diau sepemanjai sungai nya.

 Ekspedisi tu deka dipejalaika pengelama 12 hari. Sebulan sebedau nya, semua orang ke enggau deka bisi aum. “Kami bulih penerang pasal endur nya, sereta berandauka chara nyediaka diri kia,” ku Winsley. Tiap iku orang bebaika ayung sereta kibung. Pejalai tu patut dua kali nepan bilun, sereta mayuh duduk ba perau.

 Kati asai ati bala menyadi ke enggau ekspedisi tu? Claude enggau Lisette sepasang laki-bini ti beumur 60 taun ke atas madah. Ku Claude, “Aku amat gaga, tang bisi ga berasai takut. Aku kala ninga pasal arus sungai nya engka ulih nganu.” Lisette mega madahka pengirau diri, “Aku kakang ati, kati aku ulih berandau enggau orang ke ba din?”

 Seiku da agi ke benama Mickaël ngasaika utai ti sama. Iya madah, “Kami enda tentu nemu pasal bansa Wayana, nya kebuah aku ngaga pansik ba Internet, lalu belajarka sekeda jaku ngambi ulih berandau enggau sida.”

 Shirley, ke enggau laki iya Johann, ngaga lis bansa jaku ke dikena orang ti diau sepemanjai sungai nya. Iya madah, “Kami download video ke bisi jaku sida ba jw.org, lalu bisi kamus dalam bansa jaku Wayana.”

 Kena 4 Julai, Hari Dua, raban nya nepan bilun ari Saint-Laurent du Maroni, lalu terebai ngagai Maripasoula, siti kampung mit ke ba Guiana Perancis.

 Empat hari pengudah nya, raban nya patut nepan perau, lalu nginjil ngagai orang ba pesisir Sungai Maroni. Seiku ari raban nya ke benama Roland madah, “Orang ba din rindu ninga topik Bup Kudus. Sida nanya mayuh utai, lalu bisi mega deka belajarka Bup Kudus enggau kami.”

 Johann enggau Shirley betemu enggau sepasang laki-bini ti agi biak ba siti kampung. Seiku ari betunggal sida baru udah munuh diri. Johann madah, “Kami ngayanka video Seorang Peribumi Amerika yang Menemui Penciptanya [bisi ba Berita JW] ngagai sida, lalu sida pan rinduka video nya. Sida meri kami alamat email, lalu deka terus ngiga kami.”

 Endur ti pemadu jauh ke digagai sida ba Antécume Pata. Ba din, tuai kampung ngemendarka Saksi Jehovah ke udah lelak ngantung ayung sida ba endur orang mayuh. Sida mega mandi ba sungai baka orang ari menua nya empu.

 Udah nya, sida ngagai kampung ke benama Twenké. Orang ba din benung ngulitka pemati seiku ari orang ke dikesayauka sida. Éric, seiku ari orang ke nguluka ekspedisi madah, “Pengulu kampung nya ngemendarka kami bejaku enggau semua orang ke benung tusah ati ba kampung nya. Ngambika sida ulih diperindang. Pengulu sereta sida sebilik amat beterima kasihka, semua utai ke dibacha kami ari Bup Kudus ngena jaku Wayana. Kami mega masang video ti ngayanka semaya Bup Kudus pasal pengangkat ari pemati.”

 Udah nya, bala Saksi pan ngagai mua ke ili sungai ngena bilun, pengelama 30 minit ari Maripasoula, nuju siti kampung mit ke benama Grand-Santi. Kena Hari Dua enggau Hari Tiga, bala Saksi bekunsika Berita Manah ari Bup Kudus ngagai orang ba dia. Hari Empat, sida nengah Sungai Maroni pengelama lima jam setengah, nyentukka kampung Apatou.

 Sehari sebedau ekspedisi tu tembu, bala menyadi ngabas kampung bansa Maroon ke ba dalam babas. Bansa Maroon nya orang Afrika ke dibaruh Amerika Serikat, ti nyadi ulun Suriname. Nya menua sepiak Guiana Perancis, dipegai kuasa menua bukai. Bala Saksi ngelaluka semua orang datai begempuru, ba khemah besai ke didirika dalam babas. Claude madah, “Kami amat gaga meda mayuh orang datai begempuru, taja pan baru pagi nya kami mai sida!” Karsten, keterubah iya enggau ekspediri ngagai endur ti jauh, meri cheramah ke betajuk, “Kati Pengidup Kitai Bisi Tuju?” ngena bansa jaku Aukan. Bisi 91 iku orang datai ari beberapa buah kampung datai ngagai gempuru nya.

 Pengujung iya, semua orang ke enggau ekspedisi tu pulai baru ngagai Saint-Laurent du Maroni. Semua orang ke enggau amat rindu, meda orang ba din nerima Berita Manah. Sida nerima mayuh litaricha sereta meda mayuh video ke dikeluarka Saksi-Saksi Jehovah.

 Lisette madah, “Pengaga ati aku, enda ulih ditelah maya enggau ekspedisi tu.” Cindy pan setuju, “Aku amat agi ka enggau pengawa tu. Enti enda enggau, pengaga ati tu enda ulih disebut.”

 Ekspedisi tu meransang orang ke kala enggau nya deka datai baru. Mickael madah, “Kami agi ka ngereja nya!” Winsley pindah ngagai Saint-Laurent du Maroni. Claude enggau Lisette mega deka pindah ngagai Apatou.