“Taja pan COVID-19 nya ukai dikumbai kecemasan agi, tang nya agi siti penyakit ti amat serius ke ninggang orang di serata dunya.. . . Pandemik ke bukai endang amat deka nyadi dudi hari. Nya alai kitai patut besedia napi penanggul nya.”—Dr. Tedros Adhanom Ghebreyesus, pengarah Gerempung Pengerai Entarabansa (WHO), 22 Mei 2023.

 Mayuh orang agi ngasaika kesan pandemik COVID-19 lalu tu ngasuh sida merinsa ari segi mental enggau fisikal. Kati perintah mensia enggau gerempung pengerai besedia napi pandemik ke deka nyadi ila? Kati sida ulih nulung bala rayat napi penanggul ba pengerai ke diatu?

 Bup Kudus bisi madah pasal siti perintah ke ulih ngeraika mensia ari semua penyakit. Iya madah, ‘Petara ti di serega deka numbuhka siti perintah.’ (Daniel 2:44) Ba baruh Perintah nya, “nadai orang ke diau dalam menua kitai deka mutap madahka diri sakit.’” (Isaiah 33:24) Semua orang deka nyadi gerai sereta kering baka lebuh sida agi biak.—Jop 33:25.