Nyediaka diri enggau manah. Perundingka nama kebuah utai nya ditulis. Belatih macha enggau lanchar, ukai macha seleka-seleka. Tentuka nuan enda nambah, muai, tauka nganti leka jaku. Titihka semua tanda bacha.

Sebut tiap iti leka jaku enggau betul. Enti nuan enda nemu baka ni deka nyebut leka jaku nya, nuan ulih meda kamus, ningaka rikut audio litaricha nya, tauka minta tulung ari seiku pemacha ke landik.

Sebut enggau terang. Sebut leka jaku enggau bejimat, tegika pala lalu buka mulut enggau besai. Enggau naka ulih nyebut leka jaku nya enggau terang.