Ubah penginggar nyawa. Lebuh ngenataika poin ti deka dikemeratka nuan sereta meransang peninga nuan, nuan ulih ngasuh nyawa nuan inggar agi. Pia mega, nuan ulih ngasuh nyawa nuan inggar agi lebuh nuan macha pesan ukum ke disebut ba Bup Kudus. Nuan patut ngurangka penginggar nyawa lebuh madahka utai ti ngasuh takut tauka irau, lalu pia mega lebuh nuan ngasuh peninga nuan deka nemu utai ke deka disebut nuan pengudah nya.

Ubah bunyi nyawa nuan. Enti ngena enggau bansa jaku nuan, nuan ulih ninggika bunyi nyawa lebuh ngayanka pengagit ati tauka lebuh nerangka pasal utai ti jauh tauka utai ti besai. Turunka bunyi nyawa nuan lebuh mansutka asai ati ti tusah tauka irau.

Ubah penyampat nuan bejaku. Bejaku enggau jampat agi lebuh nyebut utai ti ngagitka ati. Bejaku enggau lubah agi lebuh nekanka poin ti dikemeratka nuan.