PELAJAR 34
Baka Ni Kitai Nunjukka Pengerindu ngagai Jehovah?
Kati nuan ngasaika diri semak agi ngagai Petara pengudah belajarka Bup Kudus? Kati nuan deka terus agi semak ngagai Iya? Enti deka, kingatka meh, dalam agi pengerindu nuan ngagai Petara, deka agi Iya rindu sereta ibuhka nuan. Tang baka ni nuan ulih nunjukka diri rinduka Petara?
1. Baka ni kitai ulih mandangka pengerindu ngagai Jehovah?
Kitai mandangka pengerindu ngagai Jehovah enggau ngasika Iya. (Bacha 1 John 5:3.) Tang Jehovah enda ngansak kitai ngereja nya. Bup Kudus madahka, Petara deka kitai ngasika Iya “enggau pengabis ati.” (Rome 6:17) Reti iya, Jehovah deka nuan ngasika Iya, ukai ketegal nuan dipejal tang ketegal nuan rinduka Iya. Begian 3 enggau 4 ari bup tu ngajar kitai chara ngayanka pengerindu ngagai Jehovah lebuh kitai ngereja utai ti ngerinduka ati Iya sereta nyeliahka diri ari utai ti dipegedika Iya.
2. Nama kebuah kitai kadang-kadang tusah deka nunjukka pengerindu ngagai Jehovah?
Bup Kudus madahka, “Orang ke badas natka mayuh macham penusah.” (Masmur 34:19) Semua kitai enda sempurna sereta ngembuan mayuh pengelemi. Kitai mega engka napi penanggul ba penatai pemisi, napi utai ti enda lurus, tauka napi penanggul ke bukai. Utai ke baka tu ulih ngasuh kitai tusah deka ngasika Jehovah. Kitai engka ngasaika senang agi nitihka chara diri empu. Tang enti nuan ngasika Jehovah taja pan enda senang, nuan nunjukka diri ngasi sereta rinduka Iya lebih agi ari semua utai. Pia mega, enti nuan taluk ngagai Petara, Iya mega deka taluk ngagai nuan sereta enda ninggalka nuan.—Bacha Masmur 18:23.
BELAJAR MAYUH AGI
Peratika nama kebuah Jehovah gaga ati lebuh nuan ngasika Iya, sereta baka ni nuan ulih mengkang tetap ati ngagai Iya.
3. Utai ti bekaul enggau nuan
Ba bup Jop, kitai macha pasal Sitan ke nuduh Jop enggau semua orang ke nyembah Jehovah. Bacha Jop 1:1, 6–2:10, lalu kerandauka tanya tu:
-
Nitih ku Sitan, nama kebuah Jop ngasika Jehovah?—Peda Jop 1:9-11.
-
Nama utai ke dipadah Sitan pasal semua mensia, nyengkaum nuan?—Peda Jop 2:4.
Bacha Jop 27:5b, lalu kerandauka tanya tu:
-
Baka ni Jop nunjukka diri amat rinduka Jehovah?
Penaluk Jop nunjukka pengerindu iya ngagai Jehovah
Penaluk kitai mega nunjukka pengerindu kitai ngagai Jehovah
4. Gagaka meh ati Jehovah
Bacha Jaku Dalam 27:11, lalu kerandauka tanya tu:
-
Baka ni asai ati Jehovah lebuh nuan ngayanka penemu-dalam sereta ngasika Iya? Nama kebuah?
5. Nuan ulih mengkang taluk ngagai Jehovah
Taja pan napi penanggul, pengerindu ngagai Jehovah deka meransang kitai nginjil pasal Iya. Mainka VIDEO, lalu kerandauka tanya tu.
-
Kala nuan ngasaika diri tusah deka madah ngagai orang bukai pasal Jehovah?
-
Ba video tu, nama utai ke nulung Grayson mutarka asai ati ti takut?
Kitai deka senang agi tetap ati ngagai Jehovah enti kitai rinduka utai ti dikerinduka Iya sereta begedika utai ti dipegedika Iya. Bacha Masmur 97:10, lalu kerandauka tanya tu:
-
Bepelasarka utai ti udah dipelajarka nuan, nama sekeda utai ti dikerinduka Jehovah? Nama sekeda utai ti dipegedika Jehovah?
-
Baka ni nuan ulih ngemansangka pengerindu ngagai utai ti manah sereta belajar begedika utai ti jai?
6. Berekat ketegal ngasika Jehovah
Kitai bulih mayuh penguntung lebuh ngasika Jehovah. Bacha Isaiah 48:17, 18, lalu kerandauka tanya tu:
-
Kati nuan pechaya Jehovah nemu utai ti pemadu manah ke nuan? Nama kebuah?
-
Nama penguntung ke diulih nuan kenyau ari maya nuan berengkah belajarka Bup Kudus sereta ngelala Jehovah, Petara ti bendar?
ORANG ENGKA NANYA: “Kati pengawa aku amat ulih ngagaka ati Petara?”
-
Nama ayat Bup Kudus ke ulih nulung nuan kena madahka utai ti digaga kitai bisi kaul enggau asai ati Jehovah?
LANSA
Nuan nunjukka diri rinduka Jehovah lebuh nuan ngasika Iya sereta taluk taja pan ba maya ti tusah.
Ulang Kaji
-
Nama utai ti dipelajarka nuan ari chunto Jop?
-
Baka ni nuan ulih nunjukka pengerindu ngagai Jehovah?
-
Nama utai ke ulih nulung nuan mengkang taluk ngagai Jehovah?
ARAM BELAJAR
Peratika baka ni nuan ulih tetap ati ngagai Jehovah enggau eklisia.
“Nuan Endang Tetap Ati ngagai Orang ke Tetap Ati ngagai Nuan” (16:49)
Belajar mayuh agi pasal jaku tuduh Sitan ngagai mensia.
“Jop Ngetanka Penetap Ati Iya” (Bup Kudus—Nama Pesan Iya? begian 6)
Peratika baka ni bala nembiak ulih nunjukka pengerindu ngagai Jehovah.
Baka ni bala nembiak ulih ngetanka penaluk ngagai Petara lebuh ditekan bala serambau?
Nuan Engka Rindu Meda Tu
UTAI KE SUAH DITANYA
Nama Reti Kursus Belajarka Bup Kudus ke Diatur Saksi-Saksi Jehovah?
Nengah kursus ke pechuma ti diatur Saksi-Saksi Jehovah, nuan ulih ngena sebarang salin Bup Kudus ke dikembuan nuan. Nuan mega diperansang mai semua diri sebilik sereta bala kaban nuan sama enggau kursus tu.
