PELAJAR 05
Bup Kudus, Mesej ari Petara ke Kitai
Jehovah udah meri kitai pemeri ti amat berega, iya nya Bup Kudus. Bup Kudus ngembuan 66 iti bup mit. Kitai engka berunding: ‘Sapa pengarang Bup Kudus? Ari ni penatai Bup Kudus?’ Kena nyaut tanya tu, aram berandauka chara pesan Petara dalam Bup Kudus udah diberi ngagai kitai.
1. Kati Petara amat Pengarang Bup Kudus?
Bup Kudus ditulis kira-kira 40 iku lelaki ke datai ari gaya pengidup ti bebida. Bup Kudus ditulis ari taun 1513 S.M. nyentuk ngagai 98 M. lalu begunaka awak kira-kira 1,600 taun kena nembuka iya. Taja pia, utai dalam Bup Kudus bisi kaul sereta enda belaban enggau pangan diri. Nama kebuah? Laban bala penulis Bup Kudus nulis ‘pesan Petara ti dibai roh kudus.’ a (2 Peter 1:21) Nya alai, mensia ukai nulis runding sida empu, tang Petara ngena roh kudus ngenataika runding Iya ngagai sida. (2 Timoti 3:16) Endang amat, Petara nya meh Pengarang Bup Kudus.—Bacha 1 Tesalonika 2:13.
2. Kati semua orang tau bulih penguntung ari Bup Kudus?
Bup Kudus nya bup ti pemadu mayuh disalin ba dunya. Nama kebuah? Laban Petara dekaka orang ari “semua bansa, raban bansa, jaku enggau menua” macha berita manah dalam Bup Kudus.—Bacha Pemandang 14:6.
3. Baka ni Jehovah nentuka Bup Kudus meruan nyentuk ke diatu?
Bup Kudus ditulis ba utai ti senang rusak baka papairus enggau kulit jelu. Ukai semina nya aja, ari dulu kelia, mayuh orang ti bekuasa begedika Bup Kudus lalu deka ngemunaska iya. Tang orang ke rinduka jaku Petara bebendar nyalin Bup Kudus enggau bejimat, indah sanggup berambunka nyawa diri kena nyaga iya. Bup Kudus madahka: ‘Jaku Petara kitai, tan belama iya.’—Isaiah 40:8.
BELAJAR MAYUH AGI
Belajarka chara Jehovah madahka pesan Iya ngagai penulis Bup Kudus, chara Iya nyaga Jaku Iya ba Bup Kudus, lalu chara Iya nentuka semua orang ulih macha nya.
4. Bup Kudus madahka kitai sapa Pengarang iya
Mainka VIDEO. Udah nya, bacha 2 Timoti 3:16, lalu kerandauka tanya tu.
-
Enti mensia ke nulis Bup Kudus, nama kebuah Bup Kudus dikumbai Jaku Petara?
-
Petara ulih ngenataika runding Iya ngagai mensia. Ba runding nuan, kati utai tu ulih dipechaya?
Seiku sekretari naip surat, tang utai dalam surat nya datai ari bos iya. Pia mega, mensia nulis Bup Kudus, tang pesan nya datai ari Petara
5. Bup Kudus tan taja pan iya disakal
Bup Kudus nya Jaku Petara. Nya alai, Petara tentu deka nyaga iya. Mayuh tuai pengarap enggau orang ti bekuasa nguji ngemunaska Bup Kudus. Taja pia, bisi orang sanggup berambunka nyawa diri nyaga Bup Kudus. Aram meda peneleba seiku lelaki ke amat rinduka Bup Kudus. Mainka VIDEO, lalu kerandauka tanya tu.
-
Pengudah nemu semua utai ke digaga orang kena nyaga Bup Kudus, kati nuan deka agi macha iya? Nama kebuah?
Bacha Masmur 119:97, lalu kerandauka tanya tu:
-
Nama kebuah mayuh orang sanggup berambunka nyawa nyalin sereta nyadung Bup Kudus?
6. Bup ke semua orang
Bup Kudus nya bup ti pemadu mayuh disalin sereta disadung. Bacha Surat Kereja Rasul 10:34, 35, lalu kerandauka tanya tu:
-
Nama kebuah Petara dekaka Jaku Iya disalin sereta disadung ngagai mayuh orang?
-
Nama utai ti dikerinduka nuan pasal Bup Kudus?
Nyauka
100%
orang ba dunya
ulih macha Bup Kudus dalam bansa jaku ke ditemu sida
Sebegian tauka semua Bup Kudus
udah bisi dalam lebih ari
3,000
bansa jaku
5,000,000,000
Kira-kira penyampau Bup Kudus ke dikeluarka,
lalu penyampau tu jauh mayuh agi ari bup bukai
BISI ORANG MADAH: “Bup Kudus nya nadai guna ba jeman kitai. Lalu bup nya pan ditulis mensia.”
-
Nama runding nuan?
-
Nama bukti ke nunjukka Bup Kudus nya Jaku Petara?
LANSA
Bup Kudus nya Jaku Petara, lalu Iya nentuka semua orang ulih macha nya.
Ulang Kaji
-
Petara madahka runding Iya ngagai penulis Bup Kudus. Nama reti tu?
-
Ari utai ke udah dipelajarka nuan ba pelajar tu, nama utai ke narit ati nuan pasal Bup Kudus?
-
Nama asai ati nuan pengudah nemu pasal Petara ke bebendar ngenataika runding Iya ngagai nuan?
ARAM BELAJAR
Bacha pasal sejarah Bup Kudus—kenyau ari maya iya ditulis nyentuk ngagai salin jeman moden.
“Baka Ni Bup Kudus Tan Nyentukka Seharitu” (Peratika!, November 2007)
Peda baka ni Bup Kudus mengkang tan taja pan disakal.
Belajar pasal penanggul ke ditapi penyalin Bup Kudus.
Bup Kudus dikupi sereta disalin mayuh kali. Baka ni nuan ulih nentuka pesan ari Bup Kudus enda diubah?
“Kati Utai Dalam Bup Kudus Udah Diubah?” (Artikel ba laman web jw.org)
a Baka ke diterangka ba Pelajar 07, roh kudus nya kuasa kudus ari Petara.
Nuan Engka Rindu Meda Tu
UTAI KE SUAH DITANYA
Nama Reti Kursus Belajarka Bup Kudus ke Diatur Saksi-Saksi Jehovah?
Nengah kursus ke pechuma ti diatur Saksi-Saksi Jehovah, nuan ulih ngena sebarang salin Bup Kudus ke dikembuan nuan. Nuan mega diperansang mai semua diri sebilik sereta bala kaban nuan sama enggau kursus tu.
