Kati Bup Kudus Ulih Nulung Aku Ngembuan Ruang Bilik ti Lantang?

TEBAH

Saut ari Bup Kudus

Ulih. Lalau ti manah ari Bup Kudus udah nulung bejuta iku orang bulih ruang bilik ti lantang. Peratika sekeda lalau tu:

Tentuka tikah nuan sah. Enti laki bini ngaga surat kawin ti sah, nya ngasuh seduai iya nemu diri patut tetap ati ngagai pangan diri. Nya meh pugu ruang bilik ti lantang.—Matthew 19:4-6.
Ngayanka pengerindu sereta basa. Nuan patut ngereja utai kedeka nuan ngagai kaling pengidup nuan.—Matthew 7:12; Epesus 5:25, 33.
Seliahka leka jaku ti kasar. Nuan patut bejaku enggau nelap. Indah maya kaling pengidup nuan ngereja utai ke ngemediska ati nuan. (Epesus 4:31, 32) Ba Jaku Dalam 15:1 madah, “Saut ti nelap ngasuh orang badu agi ringat, tang jaku ti kasar ngasuh orang ringat.”
Tetap ati ngagai kaling pengidup nuan. Asai ati ti romantik sereta pengingin seks semina ditujuka ngagai kaling pengidup nuan aja. (Matthew 5:28) Bup Kudus madah, “Awakka adat melaki-bini dibasa semua orang, lalu awakka laki enggau bini meruan tetap ati ngagai pangan diri”.—Hebrew 13:4.
Ajar anak nuan enggau penyayau. Anang kelalu nelap, tang anang mega kelalu kasar enggau anak nuan.—Jaku Dalam 29:15; Kolosi 3:21.

Artikel Besangkut

Bup Kudus Saut Ngagai Tanya Pasal Bup Kudus

Nuan Engka Rindu Meda Tu

KITA SEBILIK ULIH GAGA ATI

Bepanggai ba Petara Ngambika Diri Melaki-bini Bulih Pengelantang

Ngena dua iti tanya ti senang ulih nulung nuan ngubah ruang bilik enggau manah agi.

SAUT NGAGAI TANYA PASAL BUP KUDUS

Nama Utai ke Dipadahka Bup Kudus pasal Tikah?

Prinsip Bup Kudus ke ulih nulung laki bini nyeliah sereta mutarka penanggul.

LAKI BINI & RUANG BILIK

Ngulihka Pengelantang ba Diri Sebilik: Ayanka Pengerindu

Kereja, stres, sereta tekanan ke ditapi ninting hari ulih ngasuh laki bini kurang ngayanka pengerindu ngagai pangan diri. Kati pengerindu ti bendar agi ulih dikemansangka?