Eṱe aruhe tu ungurisa Ombeibela otjotjiṋa tji tji honaparera po ongamburiro yetu. Ku nao, eṱe tu rundurura oviṋa mbi tu kambura mo otja pu matu yende amatu zuu Omatjangwa nawa. a

 Omarundurukiro otja ingo ye hitasana nomurari wOmbeibela mbu ri mOmiano 4:18: “Ondjira mu mu ryanga omusemba i ri otja eyuva mokupita, ndi mari yere nga ondjerera aihe yaro tji ya hanyanya.” Tjimuna eyuva tji mari piti tji tu uta okumuna oviṋa mbi ri ongondoroka na eṱe nawa kouṱiṱiṱiṱi, Mukuru u yandja omazuviro omawa wouatjiri kouṱiṱiṱiṱi moruveze ndwa tuwa po. (1 Petrus 1:10-12) Otja Ombeibela pu ya hunganeka, Mukuru u tjita kutja ouatjiri u handjauke ‘moruveze rwomaandero’ ndwi. Daniel 12:4, NWT mari tja: “Ovengi mave konḓonona, nu ondjiviro youatjiri mai takavara.”

 Omarundurukiro momazuviro wetu nga kaye sokututemisa poo okutukurungisa. Ovakarere va Mukuru voruveze orukuru wina va ri nomazuviro omavi, nu owo aave hepa okurundurura omazuviro wawo ngo.

•   Moses we riyandja omuini otjomuyame wotjiwaṋa tjOvaisrael ozombura 40 komurungu Mukuru nḓa twa po.—Oviungura 7:23-25, 30, 35.

•   Ovaapostele kaave zuu nawa omaprofetero nga hunganekwa ohunga nonḓiro nombendukiro ya Messias.—Jesaja 53:8-12; Mateus 16:21-23.

•   Ovakriste veserewondo etenga va ri noumune woposyo ohunga ‘neyuva raMuhona.’—2 Ovatesalonika 2:1, 2.

 Korusenina Mukuru we ve vatera okukara nomazuviro omawa, nu eṱe matu kumbu kutja ma kayende komurungu okutuvatera.—Jakobus 1:5.