OVAKRISTE ovengi ve toorora okuhinokukara norupa momazemburukiro wOkresmesa. Hapo ove noumune uṋe ohunga nondando ndjo? Hapo ove muna kutja ve notjiṋa tji ve kaera? Hapo ovanatje vawo ve tjaerwa okuhinokukara norupa momazemburukiro wOkresmesa? Tara kutja Ovahongonone va Jehova motupa pekepeke twouye ve noumune uṋe ohunga nepu ndi.

Okuzemburuka Jesus Kristus: “Ngunda e hi ya rira umwe wOvahongonone va Jehova, ami kee i tjinene kozokereka. Indu tji mba i, ami ee i moruveze rwOmazemburukiro wOkresmesa poo wOkambo kOnḓiro. Nandarire nao, hee ripurire ko ohunga na Jesus Kristus. Ami hi kara norupa momazemburukiro wOkresmesa rukwao, posi ya mbi kara pozombongarero zombongo nu nandarire mbi honga varwe kutja Ombeibela i tja vi ohunga na Jesus.”—EVE, AUSTRALIA.

Mokuyandja mu nenyando: “Ami mbi kara nondjoroka tjinene indu varwe tji mave ndji pe oviyandjewa ngunda ambi hi nokuundjira ko. Ami wina mba suvera okuungura oukarata nokuperendera ovandu varwe oviperendero, mena rokutja tji ve pa ondjoroka tjinene, nu wina ami mbi kara nondjoroka.”—REUBEN, NORTHERN IRELAND.

Okuvatera ovahepe: “Eṱe tu kara nondjoroka okuzikira ovikurya ku imba mba vera. Povikando tjiva, tu ve etera ovimbloma, ovikuhuna, poo oviyandjewa oviṱiṱi mbi mavi ve pe ondjoroka. Eṱe tu kara nondjoroka mena rokutja tu varura ovandu mba kangamwa otuveze mombura.”—EMILY, AUSTRALIA.

Okukara pamwe neṱunḓu: “Indu eṱunḓu retu tji re ya pamwe, ovanatje vetu ve yenene okutjiwa nawa ozongundwe zawo, ohongaze vawo, ovanene vovanene vawo, novaramwe mongaro ombwa. Eṱe katu hepa okutjita nao meyuva kaaṋi rombura, katu ṋiṋikiziwa, nungwari eṱunḓu retu ri tjiwa kutja tu yekuvevarura mena rokutja twe ve suvera.”—WENDY, CAYMAN ISLANDS.

Ohange: “Koruveze rwOkresmesa, ru munika aayo pe novingi okuungura. Ovandu tjiva uriri ombe ripurira kohange. Ami mba fula nawa tji mbe rihonga omakwizikiro wOmbeibela kovandu. Ami mba zuva nawa kutja ovanatje vandje mave kayorokera oruyaveze oruwa.”—SANDRA, SPAIN.