6-12 ku Mei
EPSALME 36-37
Eimburiro 87 nongumbiro | Omambo wokuuta ombongarero (omin. 1)
1. “O handjisiwa i ovarunde”
(ozomin. 10)
Ovandu ovarunde ve tu etera omihihamo nomauzeu (Eps 36:1-4; w17.04-E 10 opar. 4)
Tji tu nomapindi novandu “ovarunde” matu rihihamisa oveni (Eps 37:1, 7, 8; w22.06 10 opar. 10)
Okukara nongamburiro momakwizikiro wa Jehova ku tu pa ohange (Eps 37:10, 11; w03-E 12/1 13 opar. 20)
RIPURA OMUINI KUTJA, ‘Hapo mbi yandja ombango tjinene kovitjitwa vyoutwe mbi handjaurwa mozombuze?’
2. Okupaha ovihuze mOmbeibela
(ozomin. 10)
-
Eps 36:6—Ongwaye omutjange wEpsalme ndi, tja tja ousemba wa Jehova u ri tjimuna “ozondundu zaNdjambi”? (it-2-E 445)
-
Ovikwaye mbye ku tjatere momalesero wOmbeibela wotjivike hi?
3. Omalesero wOmbeibela
(ozomin. 4) Eps 37:1-26 (th epu 10)
4. Okuuta ehungi
(ozomin. 3) OKUZUVARISA OKUZA KONDJUWO NONDJUWO. (lmd ehongwa 1 epu 5)
5. Okukavarura rukwao
(ozomin. 4) OKUZUVARISA NGUNDA AU HE RI MOTJIUNGURA TJOKUZUVARISA. Ningira okurihonga Ombeibela ku nomundu ngu hi na aa vanga okurihonga rukuru. (lmd ehongwa 9 epu 4)
6. Ehungi
(ozomin. 5) ijwbv 45-E—Epu: Hapo Epsalme 37:4 mari hee tjike? (th epu 13)
Eimburiro 33
7. Hapo ove we rirongera ‘kotuveze otuzeu’?
(ozomin. 15) Otjihungiriro otjipaturuke.
Mena romaumba nge tjitwa mouye, ovakambure ovakwetu va pandjara omauini wawo nu va zepaisa ovasuverwa vawo. (Eps 9:9, 10) Ouhumandu, “otuveze twouzeu” tu ya kovandu avehe, ku nao eṱe matu sokurirongera.
Pendje nokurongerisa oviṋa mbi matu hepa, a ovikwaye vyarwe mbi mavi tu vatere indu tji kwa tjitwa oumba?
-
Rizuvisa: Tjiwa kutja omaumba ye tjitwa, nu tara kutja omikambo viṋe mbi mo toora indu tji ya tjitwa. Indu tji u ha suverere omauini tjinene mo rire onongo, nu mo yandja ombango kokuyama omuinyo woye na imbwi wavarwe, moruveze rwokukondja okuyama omauini woye uriri. (Gen 19:16; Eps 36:9) Indu tji u ha suverere ouini woye, ihi matji ku vatere kutja o ha hihamwa omutima indu tji wa pandjara.—Eps 37:19.
-
Kurisa oupanga woye ku na Jehova: Kara nongamburiro momasa wa Jehova nokutja eye u nonḓero yokukuṱakamisa. (Eps 37:18) Ngunda omaumba aye hi ya tjitwa, aruhe zemburuka kutja Jehova ma hongorere po nokuvatera ovakarere ve. Nandarire kutja povikando mape ya ‘atu taurisa omiinyo’ vyetu uriri.—Jer 45:5; Eps 37:23, 24.
Indu tji matu kambura kutja Jehova ma yenenisa omakwizikiro we, eṱe tu tjita kutja ma rire omaundiro wetu “momayuva womayararero.”—Eps 37:39.
Nyanda OKAVIDIO Hapo ove we rirongerisa komaumba? Okuzambo pura omapuriro nga:
-
Omomuano uṋe Jehova mu ma yenene okutuvatera moruveze rwoumba?
-
Omikambo viṋe mbi matu toora kutja tu rirongerise nawa?
-
Omomuano uṋe mu matu yenene okuvatera imba mba ṱunwa i oumba?
8. Omakonḓononeno wOmbeibela wOmbongo
(ozomin. 30) bt-AF ekond. 9 opar. 8-16
Omambo wokupata wombongarero (ozomin. 3) |
a Tara mokambo nga Penduka! No. 5 2017, pomukuma 4-6, mOtjiingirisa.
