«Երկնքի Աստուածը ուրիշ թագաւորութիւն մը պիտի հանէ, որ յաւիտեան պիտի չաւերուի» (Դանիէլ 2։44)։

«Մեզի որդի մը տրուեցաւ եւ իշխանութիւնը անոր ուսին վրայ պիտի ըլլայ» (Եսայի 9։6, Վերստուգուած աշխարհաբար թարգմանութիւն)։

• Արդար կառավարութիւն՝ որ կրնայ կարիքներդ հոգալ (Եսայի 48։17, 18)։

• Կատարեալ առողջութիւն եւ ուրախ կեանք՝ գալիք նոր աշխարհին մէջ (Յայտնութիւն 21։3, 4)։

Այո՛, նուազագոյնը երկու պատճառներով.

• Յիսուս ցոյց տուաւ թէ Աստուծոյ Թագաւորութիւնը ի՛նչ պիտի իրագործէ։ Ան իր հետեւորդներուն սորվեցուց որ Աստուծոյ աղօթեն. «Քու թագաւորութիւնդ գայ. քու կամքդ ըլլայ ինչպէս երկինքը՝ նոյնպէս երկրի վրայ» (Մատթէոս 6։9, 10)։ Յիսուս նաեւ ցոյց տուաւ, թէ այդ աղօթքը ինչպէ՛ս պիտի պատասխանուի։

  Երբ Յիսուս երկրի վրայ էր, անօթիները կերակրեց, հիւանդները բուժեց եւ նոյնիսկ մեռելներու յարութիւն տուաւ (Մատթէոս 15։29-38. Յովհաննէս 11։38-44)։ Որպէս Աստուծոյ Թագաւորութեան ապագայ Կառավարիչը, Յիսուս գեղեցիկ նախանմոյշ մը տուաւ, թէ այդ Թագաւորութիւնը ի՛նչ պիտի ընէ իր հպատակներուն համար (Յայտնութիւն 11։15)։

• Աշխարհի վիճակները կը հաստատեն, թէ Աստուծոյ Թագաւորութիւնը շուտով պիտի գայ։ Յիսուս մարգարէացաւ, թէ Թագաւորութիւնը երկրի վրայ խաղաղութիւն բերելէն կարճ ժամանակ առաջ, աշխարհը լեցուն պիտի ըլլայ պատերազմներով, սովերով եւ երկրաշարժներով (Մատթէոս 24։3, 7)։

  Այսօր, մեր շուրջը ճիշդ այս վիճակները կը տիրեն։ Ուրեմն կրնանք վստահ ըլլալ, որ Աստուծոյ Թագաւորութիւնը շուտով այս բոլորին վերջ պիտի դնէ։