ՆՈՅԵՄԲԵՐԻ 8, 2024
ՀԱՄԱՇԽԱՐՀԱՅԻՆ ՆՈՐՈՒԹՅՈՒՆՆԵՐ
Գլխավոր վարչության նախագիծ. Ռամապո
Ռամապոյում լայնածավալ շինարարություն սկսելու թույլտվություն
2024 թ. նոյեմբերի 6-ին Ռամապոյի քաղաքաշինության խորհուրդը ստորագրեց Ռամապոյի համալիրի շինթույլտվությունը։ Այդ կարևոր ձեռքբերման շնորհիվ այժմ կարող ենք մեծածավալ շինարարական աշխատանքներ իրականացնել շինհրապարակում։
Ռամապոյի ապագա մեդիա արտադրության շինության գրասենյակային համալիրը՝ 3D մոդելավորմամբ
2023 թ. հունիսին քաղաքաշինության խորհրդից արդեն իսկ ստացել էինք համալիրի որոշ նախագծերի իրականացման թույլտվություն։ Նախնական մի շարք թույլտվությունների շնորհիվ կարողացել էինք իրականացնել որոշ նախապատրաստական աշխատանքներ, օրինակ՝ տարածքը մաքրել էինք ծառերից։ Բայց այս վերջին թույլտվության շնորհիվ արդեն կարող ենք սկսել գլխավոր մուտքի կառուցումը և ժայռերի պայթեցման աշխատանքները, ինչից հետո կգցենք շինությունների հիմքերը։ Այժմ հնարավոր է իրականացնել նաև կառուցապատման համար անհրաժեշտ այլ գործեր՝ ներառյալ փորման աշխատանքները և ստորգետնյա ջրագծերի ու կոյուղագծերի տեղադրումը։
Եղբայր Քևին Փեյջը, ով ծառայում է շինարարական նախագծի կոմիտեում, նշել է. «Մենք անչափ ոգևորված ենք, որ այժմ մեր ձեռքին ունենք ստորագրված թույլտվությունը։ Այս գործընթացի յուրաքանչյուր փուլում տեսել ենք, թե Եհովան ինչպես է օրհնել մեր համբերությունը և ջանասիրությունը։ Շնորհակալ ենք նրան այս կարևոր առաջխաղացման համար։ Աղոթում ենք, որ Եհովան օրհնի մեր թևակոխած հաջորդ փուլը»։
Մեր ողջ եղբայրությունը ոգևորված է այս նվաճման համար։ Աղոթում ենք, որ Եհովան առատապես օրհնի Ռամապոյի նախագիծը և բոլոր նրանց, ովքեր ներգրավված են շինարարական աշխատանքներում (Անգե 1։14)։
Ձեզ գուցե հետաքրքրեն
ԼՈՒՐԵՐԻ ԹՈՂԱՐԿՈՒՄ