Plizyè milye moun aprann li ak ekri
An 2011, Temwen Jewova yo te ede plis pase 5 700 moun vin konn li ak ekri.
Gana:
Nan 25 ane ki pase yo, nou te ede plis pase 9 000 moun aprann li ak ekri.
Zanbi:
Depi ane 2002, prèske 12 000 moun te amelyore fason yo li ak fason yo ekri. Men sa Anyès ki gen 82 an te di: “Lè yo te anonse yo pral fè lekòl alfabetizasyon nan kongregasyon m nan, m te kontan enskri nan lekòl sa a. Depi nan premye leson an, m te aprann ekri non m!”
Pewou:
Men sa yon dam ki gen 55 an te ekri: “M pa t panse m t ap janm konn li ak ekri paske paran m pa t janm mete m lekòl.”
Mozanbik:
Plis pase 19 000 moun gentan aprann li nan 15 an ki sot pase yo. Men sa yon elèv ki rele Felizarda fè konnen: “Mwen santi m kontan dèske kounye a m ka chèche vèsè nan Bib la e m ka li yo pou moun yo. Sa te difisil pou mwen anvan sa.”
Zile Salomon:
Men sa biwo filyal peyi nou an ekri: “Lontan, anpil moun ki t ap viv nan zòn byen lwen yo pa t ka al lekòl. Epitou, pa t gen anpil tifi ki te resevwa bonjan edikasyon. Men, granmoun yo te konn byen pwofite klas alfabetizasyon yo. Lè kou yo fini, anpil ladan yo vin gen plis asirans.”
Lòt sijè ki enteresan
BAGAY KI NAN ACHIV NOU
N ap aprann moun li ak ekri toupatou nan monn nan
Otorite nan gouvènman nan plizyè peyi te felisite Temwen Jewova yo pou travay yo fè pou ede plis moun aprann li ak ekri.