Gen kèk etidyan ki te vizite biwo Temwen Jewova yo ak enprimri Temwen Jewova yo genyen nan peyi Meksik. Jounal inivèsite etidyan sa yo, ki se Gaceta, fè konnen yo te santi vizit la te vrèman ede yo “retire kèk prejije” yo te genyen.

Men sa etidyan yo fè konnen:

• “Nou te sezi pou nou wè jan Temwen yo gen bon abitid. Yo gen respè pou moun, yo amikal, yo san patipri, e yo pwòp.”

• “Lè n ap gade jan yo met ansanm pou yo travay, sa se yon bèl egzanp pou nou.”

• “Yo tout byen konsantre sou travay y ap fè yo e yo fè l ak kè kontan.”

• “Vrèmanvre, nou te sezi wè jan [yo] byen òganize”.

Etidyan sa yo te soti nan Lekòl nasyonal syans bibliyotèk ak achiv yo ki nan vil Meksiko.

Temwen Jewova yo ofri vizit gratis nan biwo yo ak kote yo enprime yo nan prèske 100 peyi. Nenpòt moun ki ta vle òganize yon vizit konsa pou yon gwoup etidyan ka jwenn plis detay konsènan lè vizit yo ak kote lokal nou yo ye lè li ale sou ENFÒMASYON SOU NOU > VIZITE BIWO NOU YO. N ap byen kontan resevwa nenpòt moun ki vin vizite biwo nou yo, kit yo poukont yo kit yo ak fanmi yo.