Èske pwofesi ki gen rapò ak Mesi a bay prèv se Jezi ki Mesi a?
Repons Bib la bay
Wi. Lè Jezi te sou tè a, li te akonpli yon pakèt pwofesi anrapò ak “Mesi a, Gid la,” sila a ki t ap vin “sovè monn nan”. (Dànyèl 9:25; 1 Jan 4:14.) Menm apre Jezi fin mouri, li te kontinye akonpli pwofesi ki gen rapò ak Mesi a. — Sòm 110:1; Travay 2:34-36.
Ki sa mo “Mesi” a vle di?
Mo ebre Machyach, lè yo tradui l yo mete “Mesi” pou li a, ak mo grèk Kristòs, lè yo tradui l yo mete “Kris” pou li a, vle di “Moun Bondye chwazi a.” Kidonk, “Jezi Kris” vle di “Jezi moun Bondye chwazi a” oubyen “Jezi Mesi a”.
Nan tan biblik yo, byen souvan yo te konn vide luil sou tèt yon moun yo chwazi pou mete nan yon pozisyon espesyal ki montre li gen otorite (Levitik 8:12; 1 Samyèl 16:13). Se Bondye ki te chwazi Jezi pou l vin Mesi a, yon pozisyon ki montre li gen gwo pouvwa (Travay 2:36). Men, Bondye pa t vide luil sou tèt Jezi pou l chwazi l, Bondye te fè sa pa mwayen lespri sen. — Matye 3:16.
Èske l posib pou plizyè moun te akonpli pwofesi ki gen rapò ak Mesi a?
Non. Menm jan anprent yon moun idantifye moun nan sèlman, se konsa tou, akonplisman pwofesi ki nan Bib la idantifye yon sèl Mesi oswa Kris. Sepandan, Bib la fè nou konnen “gen fo Kris ak fo pwofèt ki pral parèt, e yo pral fè gwo mirak ak gwo mèvèy pou yo ka twonpe menm moun Bondye chwazi yo, si sa posib.” — Matye 24:24.
Èske l posib pou se alavni Mesi a parèt?
Non. Bib la te anonse Mesi a t ap yon desandan David, yon wa an Izrayèl (Sòm 89:3, 4). Sepandan, rejis fanmi Juif yo, soti sou David, te pèdi. Sanble yo te detwi yo lè Women yo te anvayi Jerizalèm nan ane 70 epòk nou an. a Depi lè sa a, pèsonn pa ka bay prèv li soti nan fanmi wa David. Epoutan, rejis sa yo te egziste nan epòk Jezi a, paske menm ènmi Jezi yo pa t ka demanti Jezi lè l te fè konnen li se yon desandan David. — Matye 22:41-46.
Konbyen pwofesi anrapò ak Mesi a ki gen nan Bib la?
Nou pa ka di egzakteman konbyen pwofesi anrapò ak Mesi a ki genyen, paske menm nan vèsè ki pale aklè de Mesi a, fason yo konte pwofesi sa yo kapab diferan. Pa egzanp, nan Ezayi 53:2-7 gen plizyè pwofesi ki gen rapò ak Mesi a. Kèk moun ka konsidere vèsè sa yo kòm yon sèl pwofesi, men, gen lòt moun ki ka konsidere chak aspè nan vèsè sa yo kòm yon pwofesi.
Kèk pwofesi anrapò ak Mesi a ki te akonpli sou Jezi
Pwofesi |
Kote nou jwenn li |
Akonplisman |
|---|---|---|
L ap yon desandan Abraram |
||
L ap yon desandan Izarak, pitit gason Abraram |
||
L ap fèt ann Izrayèl nan tribi Jida a |
||
L ap soti nan liy fanmi wa David |
||
Se yon jèn fi vyèj k ap manman l |
||
L ap fèt nan vil Betleyèm |
||
Yo t ap rele l Emànyèl b |
||
L ap fèt nan yon fanmi ki pa gen gwo mwayen |
||
Apre l fin fèt, y ap touye anpil timoun |
||
Yo rele l pou l kite peyi Ejip |
||
Yo t ap rele l moun Nazarèt c |
||
Yo t ap voye yon mesaje anvan l |
||
Yo t ap chwazi l antanke Mesi nan ane 29 epòk nou an d |
||
Bondye te rekonèt li kòm pitit gason l |
||
Li gen lanmou pou kay Bondye a |
||
Li se yon pwoklamatè bon nouvèl la |
||
Travay predikasyon li te fè nan Galile a briye tankou limyè |
||
Yon moun ki konn fè mirak menm jan ak Moyiz |
||
Menm jan ak Moyiz, li te konn fè konnen panse Bondye |
||
Li te geri anpil moun |
||
Li pa t atire atansyon sou tèt li |
||
Li te montre konpasyon pou moun y ap toupizi yo |
||
Li te fè wè jistis Bondye |
||
Yon gran konseye |
||
Li te fè konnen non Bondye |
||
Li te sèvi ak egzanp pou l pale |
||
Yon Gid |
||
Anpil moun pa t kwè nan li |
||
Yon wòch pou fè moun bite |
||
Lèzòm te rejte l |
||
Yo te rayi l san rezon |
||
Li te antre Jerizalèm tankou yon wa sou do yon bourik |
||
Timoun piti te fè lwanj pou li |
||
Li te vini nan non Jewova |
||
Yon bon zanmi l te trayi l |
||
Yo te trayi l pou 30 pyès monnen ann ajan e |
||
Zanmi l yo te abandone l |
||
Fo temwen te vin temwaye kont li |
||
Li pa t reponn lè yo te akize l |
||
Yo te krache sou li |
||
Yo te frape l nan tèt |
||
Yo te bat li |
||
Jezi pa t reziste ak moun ki t ap frape l yo |
||
Dirijan yo te konplote kont li |
||
Yo te kloure men l ak pye l sou yon poto |
||
Moun yo te fè tiraj osò pou rad li. |
||
Yo te konsidere l menm jan ak pechè yo |
||
Yo te joure l, yo te manke l dega |
||
Li te soufri pou peche nou yo |
||
Sanble Bondye te abandone l |
||
Yo te ba l vinèg ak fyèl pou l bwè |
||
Li te swaf anvan l mouri |
||
Li te remèt Bondye lespri l |
||
Li te bay lavi l |
||
Li te bay lavi l kòm ranson pou l retire peche |
||
Yo pa t kase zo l |
||
Yo te pèse l |
||
Yo te antere l menm kote ak moun ki rich |
||
Yo te leve l sot nan lanmò |
||
Yo te ranplase trèt la |
||
Li te chita adwat Bondye |
a Men sa yon ansiklopedi (McClintock and Strong’s Cyclopedia) fè konnen: “Pa gen dout, rejis tribi ak fanmi Juif yo te pèdi lè yo te detwi Jerizalèm, se pa anvan sa.”
b Non ebre lè yo tradui l yo mete Emànyèl pou li a vle di “Bondye avèk nou” e l byen dekri wòl Jezi antanke Mesi. Vini Jezi te vini sou tè a ak travay li te fè pandan l sou tè a montre aklè Bondye avèk moun k ap adore L yo. — Lik 2:27-32; 7:12-16.
c Ekspresyon “moun Nazarèt” la sanble soti nan mo ebre netzè a ki vle di “boujon”.
d Kwonoloji Bib la bay detay ki montre ane 29 epòk nou an se ane kote Mesi a t ap parèt. Gade atik: “Pwofesi Dànyèl la predi Mesi a ta gen pou vini.”
e Nou jwenn pwofesi sa a nan liv Zakari a, epoutan Matye, youn nan moun ki te ekri nan Bible la, di se “pwofèt Jeremi [ki] te di” sa (Matye 27:9). Ta sanble yo te konn mete liv Jeremi an an premye nan seksyon yo konn rele “Pwofèt yo” nan Bib la (Lik 24:44). Sanble Matye te itilize “Jeremi” pou l pale de tout liv pwofèt yo, sa ki gen ladan l liv Zakari a.
Lòt sijè ki enteresan
REVEYE N!
Yon dam juif esplike rezon ki fè l te egzamine kwayans li yo ankò
Ki sa k te konvenk Racquel Hall Jezi se Mesi li t ap tann nan?
