2 FEVRIYE 2022
MADAGASKA
Gwo lapli lakòz inondasyon nan peyi Madagaska
Pandan mwa janvye 2022 a, gen gwo lapli ki te lakòz inondasyon, glisman teren, e ki te kraze kay nan Anntananarivo, kapital peyi Madagaska. Yo atann pou gen lapli toujou.
Sitiyasyon frè ak sè nou yo
Pa gen frè ak sè nou ki blese oswa ki mouri.
Gen omwen 693 pwoklamatè ki oblije kite kay yo.
Pa gen dega ki fèt nan Sal Wayòm yo.
Dispozisyon pou pote èd
Komite Filyal la te nome yon komite sekou pou òganize travay pote sekou a, toutpandan yo respekte prekosyon yo dwe pran anrapò ak COVID-19 la.
Komite sekou a, siveyan sikonskripsyon yo ak ansyen yo ede frè ak sè yo pou yo rete pwòch ak Jewova, epi yo ede yo jwenn sa yo bezwen nan domèn materyèl, tankou jwenn manje, yon kote pou yo rete ak lòt bagay ankò yo bezwen.
Nou gen konfyans Jewova ap kontinye vin “yon kote ki byen pwoteje” pou frè nou yo nan moman difisil sa a. — Sòm 31:2.
Lòt sijè ki enteresan
KESYON MOUN POZE SOUVAN
Èske Temwen Jewova yo ede moun lè gen katastwòf natirèl?
Li sijè sa a e w ap wè jan nou ede kretyen parèy nou ak lòt moun lè gen katastwòf natirèl.