LESON 03
Èske w ka fè Bib la konfyans?
Gen anpil pwomès ak anpil konsèy nan Bib la. Petèt ou ta renmen konnen sa Bib la di, men w ka yon jan renka pou w fè sa. Èske w ka met konfyans ou nan konsèy ak pwomès yon liv ki la lontan konsa? Èske sa Bib la di yo itil pou nou jodi a e èske nou ka kwè nan sa l pwomèt pou lavni yo? Plizyè milyon moun met konfyans yo nan Bib la. Ann wè ki jan ou menm ou ka fè sa tou.
1. Èske istwa yo rakonte nan Bib la se laverite?
Bib la fè konnen sa l di yo se “pawòl ki verite e ki egzak”. (Eklezyas 12:10.) Li pale de evènman ak moun ki te egziste toutbon. (Li Lik 1:3; 3:1, 2.) Gen anpil istoryen ak akeyològ ki jwenn prèv ki montre sa Bib la di anrapò ak yon seri dat, moun, kote ak evènman se laverite.
2. Sa k fè nou ka toujou fè sa k di nan Bib la konfyans menmsi l la depi lontan?
Byen souvan, Bib la pale de yon seri bagay moun nan epòk yo t ap ekri l yo pa t konnen. Pa egzanp, li pale sou yon seri bagay ki gen rapò ak lasyans. Anpil nan bagay Bib la di sou sijè sa yo se pa bagay moun nan epòk la te dakò. Men, jodi a, lasyans montre sa Bib la di yo se laverite. Moun “ap toujou ka fè yo konfyans, ni jodi a, ni pou toutan”. — Sòm 111:8.
3. Poukisa nou ka gen konfyans nan sa Bib la di konsènan lavni?
Gen pwofesi * nan Bib la ki anonse “bagay ki poko rive”. (Ezayi 46:10.) Bib la te anonse yon seri bagay anvan menm yo te rive e l te fè sa avèk presizyon. Li esplike sitiyasyon ki gen nan monn nan jodi a yon fason ki detaye. Nan leson sa a, nou pral egzamine kèk nan pwofesi ki nan Bib la. W ap sezi wè jan yo egzak!
FOUYE PLIS
Gade ki jan lasyans nan epòk nou an dakò ak sa Bib la di epi fè rechèch sou kèk bèl pwofesi ki gen nan Bib la.
4. Lasyans ale nan menm sans ak sa Bib la di
Nan tan lontan, pifò moun te kwè tè a chita sou yon bagay. Gade VIDEYO a.
Gade sa liv Jòb la te di sa gen anviwon 3500 ane. Li Jòb 26:7, epi reponn kesyon sa a:
-
Sa k fè li estrawòdinè pou nou wè Bib la di tè a pandye “san pa gen anyen ki kenbe l”?
Se jis nan ane 1800 yo moun rive konprann ki sa k fèt nan lanati ki fè toujou gen dlo sou tè a. Men, gade sa Bib la te gentan di plizyè milye ane anvan sa. Li Jòb 36:27, 28, epi reponn kesyon sa yo:
-
Sa k fè fason senp Bib la esplike gwo bagay sa a estrawòdinè?
-
Èske vèsè w sot li la yo ede w gen plis konfyans nan Bib la?
5. Bib la anonse yon seri evènman enpòtan
Li Ezayi 44:27–45:2, epi reponn kesyon sa a:
-
Ki detay Bib la te anonse 200 an anvan Babilòn tonbe?
Selon listwa, Siris, wa peyi Pès la, ak lame l t ap dirije a, te pran vil Babilòn nan ane 539 anvan epòk nou an. Yo te detounen rivyè ki te pwoteje vil la. Pòt vil la te rete ouvè, yo te antre ladan l e yo te pran vil la san yo pa t menm batay. Jodi a, plis pase 2500 an apre sa, Babilòn toujou kraze. Gade ki jan Bib la te anonse sa.
Li Ezayi 13:19, 20, epi reponn kesyon sa a:
-
Ki jan pwofesi sa a te akonpli sou Babilòn?
Restan vil Babilòn nan peyi Irak jodi a.
6. Bib la te deja anonse bagay k ap pase jodi a
Bib la fè nou konnen n ap viv nan “dènye jou yo”. (2 Timote 3:1.) Gade sa Bib la te anonse konsènan epòk sa a.
Li Matye 24:6, 7, epi reponn kesyon sa a:
-
Ki jan Bib la te di dènye jou yo t ap ye?
Li 2 Timote 3:1-5, epi reponn kesyon sa yo:
-
Ki jan Bib la di moun yo t ap ye nan dènye jou yo?
-
Kiyès nan konpòtman sa yo ou wè moun yo genyen?
GEN MOUN KI DI: “Sa ki ekri nan Bib la se pa laverite.”
-
Ki sa k fè w sèten nou ka fè Bib la konfyans?
SA W TE APRANN
Ni listwa, ni lasyans, ni pwofesi yo montre ou ka fè Bib la konfyans.
Revizyon
-
Èske istwa yo rakonte nan Bib la se laverite?
-
Bay kèk domèn kote lasyans dakò avèk Bib la.
-
Èske w panse Bib la anonse sa k pral rive? Sa k fè se konsa w reponn?
APRANN PLIS
Èske Bib la fè erè lè l ap pale de bagay ki gen rapò ak lasyans?
Bay kèk enfòmasyon sou “dènye jou yo”.
“6 prophéties qui se réalisent sous vos yeux” (Toudegad 1ye me 2011)
Gade ki jan pwofesi Bib la bay konsènan dominasyon peyi Lagrès la te reyalize.
Gade ki jan pwofesi ki nan Bib la te chanje fason yon mesye te konsidere Bib la.
^ Pwofesi yo se mesaj Bondye bay ki fè konnen sa k pral rive.
Lòt sijè ki enteresan
KESYON MOUN POZE SOUVAN
Ki sa etid Labib Temwen Jewova yo ofri a ye?
Temwen Jewova yo ofri yon pwogram etid Labib gratis ki pèmèt yon etidyan patisipe nan etid la. Pwogram sa a pèmèt ou itilize nenpòt tradiksyon Labib. Ou kapab envite nenpòt fanmi oswa zanmi patisipe nan etid la.
