LESON 13
Ki jan fo relijyon fè moun mal wè Bondye?
Bondye se lanmou, poutan relijyon ki swadizan fè konnen y ap pale nan non Bondye e y ap aji nan non Bondye fè yon pakèt bagay mal. Ki jan sa fè rive? Tou senpleman, se paske relijyon sa yo se fo relijyon. Yo fè moun mal wè Bondye. Ki jan yo fè sa? Ki jan sa fè Bondye santi l? E ki sa l pral fè pou sa?
1. Ki jan fo relijyon fè moun mal wè Bondye akoz sa yo anseye?
Fo relijyon “boukante laverite sou Bondye pou manti”. (Women 1:25.) Pa egzanp, pifò relijyon pa fè moun yo konnen non Bondye. Men, Bib la di yo dwe sèvi ak non Bondye (Women 10:13, 14). Gen kèk chèf relijye ki fè konnen lè yon bagay mal rive, se volonte Bondye. Men, sa se manti. Bagay mal pa janm sot nan Bondye. (Li Jak 1:13.) Malerezman, manti relijyon yo bay yo fè anpil moun twouve li difisil pou yo renmen Bondye.
2. Ki jan fo relijyon yo fè moun mal wè Bondye akoz aksyon yo fè?
Fo relijyon yo pa trete moun menm jan Jewova trete moun. Bib la fè konnen “peche [fo relijyon] yo monte pil sou pil rive jis nan syèl la”. (Revelasyon 18:5.) Pandan plizyè syèk, relijyon yo mele nan politik, yo soutni gè yo, e yo lakòz anpil moun mouri oubyen yo dakò pou moun sa yo mouri. Gen chèf relijye ki vle vin rich, se sa k fè yo mande fidèl yo pou yo ba yo lajan. Aksyon sa yo montre moun sa yo pa menm konnen Bondye e yo pa gen dwa pou yo reprezante Bondye. — Li 1 Jan 4:8.
3. Ki jan Bondye santi l lè l ap gade fo relijyon yo?
Si ou menm ou fache lè w wè sa fo relijyon ap fè, ki jan w panse Jewova santi l? Jewova renmen moun, men li fache lè l wè chèf relijye yo ki fè moun mal wè l e ki aji mal ak fidèl yo. Li pwomèt li pral detwi fo relijyon e “yo pap janm jwenn li ankò”. (Revelasyon 18:21.) Talè konsa, Bondye pral elimine tout fo relijyon. — Revelasyon 18:8.
FOUYE PLIS
Aprann plis sou fason Bondye wè fo relijyon. Aprann plis sou sa fo relijyon fè, e aprann poukisa sa pa dwe fè w sispann aprann konnen Jewova.
4. Bondye pa aksepte tout relijyon
Anpil moun kwè tout relijyon ka fè moun jwenn Bondye. Men, èske se vre? Li Matye 7:13, 14, epi reponn kesyon sa a:
-
Ki sa Bib la di sou wout ki mennen nan lavi a?
Gade VIDEYO a, epi reponn kesyon ki vin apre a.
-
Èske Bib la di gen plizyè relijyon ki fè Bondye plezi?
5. Fo relijyon yo pa imite lanmou Bondye
Relijyon yo fè moun mal wè Bondye divès fason. Youn nan fason moun plis konnen yo fè sa, se jan yo mele nan zafè lagè. Pou w ka wè yon egzanp nan domèn sa a, Gade VIDEYO a, epi reponn kesyon ki vin apre yo.
-
Ki wòl anpil Legliz te jwe nan Dezyèm Gè mondyal la?
-
Ki jan w santi w lè w konnen ki wòl yo te jwe?
Li Jan 13:34, 35 ak 17:16, epi reponn kesyon sa yo:
-
Ki jan w panse Jewova santi l lè relijyon yo mele nan lagè?
-
Fo relijyon yo responsab anpil move bagay. Nan ki sans ou wè relijyon yo pa rive imite lanmou Bondye?
Fo relijyon pa imite lanmou Bondye.
6. Bondye vle libere moun anba fo relijyon yo
Li Revelasyon 18:4 a, epi reponn kesyon sa a:
-
Ki jan w santi w lè w konnen Bondye vle sove moun fo relijyon te twonpe yo?
7. Kontinye aprann konnen vrè Dye a
Èske move bagay fo relijyon yo fè ta dwe fè w mal wè Bondye? Imajine yon pitit gason ki pa koute papa l, ki kite kay la e k al mennen yon movèz vi. Men, papa a pa dakò ak fason l ap viv la. Poukisa l pa t ap bon pou nou kritike papa a pou move fason pitit gason l lan ap viv?
-
Èske l t ap bon pou nou kritike Jewova e pou nou sispann aprann konnen l poutèt sa fo relijyon yo ap fè?
GEN MOUN KI DI: “Sa pa enterese m pou m chèche konnen Bondye paske se relijyon ki fè gen yon bann ak yon pakèt pwoblèm.”
-
Èske w santi w konsa tou?
-
Poukisa tout move bagay fo relijyon yo fè yo pa ta dwe fè nou mal wè Jewova?
SA W TE APRANN
Fo relijyon fè moun mal wè Bondye akoz fo ansèyman yo bay ak move aksyon yo fè. Bondye pral detwi fo relijyon.
Revizyon
-
Ki jan w santi w lè w wè sa fo relijyon yo anseye yo ak sa yo fè?
-
Ki jan Jewova santi l lè l ap gade fo relijyon yo?
-
Ki sa Bondye pral fè ak fo relijyon?
APRANN PLIS
Aprann de fason pifò relijyon pa fè Bondye plezi.
“Èske tout relijyon se menm? Èske yo tout mennen kot Bondye?” (Atik sou Entènèt)
Poukisa Jewova vle nou adore l ansanm ak lòt moun?
“Èske l nesesè pou nou fè pati yon relijyon?” (Atik sou Entènèt)
Gen yon prèt ki te gen pwoblèm akoz relijyon l. Poutan, sa pa t anpeche l chèche konn laverite sou Bondye.
“Rezon ki fè yon prèt te kite legliz li” (Reveye n! fevriye 2015)
Depi plizyè syèk, relijyon yo ap bay yon seri manti ki fè moun kwè Bondye pa enterese nan yo e li mechan. Aprann laverite sou twa nan manti sa yo.
“Manti yo bay ki fè kèk moun pa renmen Bondye” (Toudegad 1ye novanm 2013)
Lòt sijè ki enteresan
KESYON MOUN POZE SOUVAN
Ki sa etid Labib Temwen Jewova yo ofri a ye?
Temwen Jewova yo ofri yon pwogram etid Labib gratis ki pèmèt yon etidyan patisipe nan etid la. Pwogram sa a pèmèt ou itilize nenpòt tradiksyon Labib. Ou kapab envite nenpòt fanmi oswa zanmi patisipe nan etid la.
