• Pw 11:17 — Ki byenfè nou jwenn lè nou demontre bonte? (g20.1 11, kare)

  Repons pa w

• Ki trezò espirityèl ou te jwenn nan lekti Labib pou semèn sa a?

  Repons pa w

Piske nou enpafè, nou bite nan pawòl nou (Jk 3:8). Men, si nou reflechi ak pwoblèm sa ka lakòz, sa ap ede n evite di bagay nou ka regrèt annapre. Men kèk pawòl ki ka kraze lapè nan kongregasyon an:

• Vante tèt nou. Se lè yon moun ap fè lwanj pou tèt li. Sa ka fè lòt moun anvi fè konpetisyon avèk nou oswa anvye sò nou. — Pw 27:2

• Pawòl pou twonpe moun. Nonsèlman pawòl sa yo se manti kri, men yo di yo nan entansyon pou yo twonpe moun. Menmsi se yon ti pawòl toupiti nou ta di pou n twonpe moun, sa ka sal repitasyon nou e fè moun pa fè nou konfyans. — Ekl 10:1

• Tripotay. Se pawòl yo di sou lòt moun ki pa fin verite oswa ki mete vi prive yo nan lari (1Ti 5:13). Sa ka lakòz hinghang ak divizyon

• Jouman. Se move pawòl moun di san reflechi lè yo an kòlè kont moun ki fè yo fache (Ef 4:26). Pawòl sa yo ka blese santiman moun. — Pw 29:22

Pase VIDEYO “Rejte” sa ki ka kraze lapè — Yon pati nan videyo a. Apre sa, poze moun ki nan oditwa a kesyon sa a:

• Ki sa nou aprann sou fason pawòl nou di kapab kraze lapè nan kongregasyon an byen fasil?

  Repons pa w

Pou n ka we‵ ki sa nou ka fe‵ pou n rejwenn lape, gade videyo ‘Cheche lape‵ e fe tout sa n kapab pou n jwenn li’.