Sòm 37:1-40
-
Bagay yo ap byen mache pou moun ki fè Jewova konfyans
Yon chante David te ekri.
א [Alèf]
37 Pinga w fache* poutèt moun k ap fè mechanste yoNi pinga w rayi sò moun k ap fè sa ki mal yo+.
2 Y ap fennen byen vit tankou zèb+,Y ap seche tankou zèb vèt.
ב [Bèt]
3 Mete konfyans ou nan Jewova epi fè sa ki bon+.Abite sou tè a*, epi aji avèk fidelite+.
4 Pran tout plezi w* nan JewovaE l ap ba ou tout sa w swete nan kè w.
ג [Gimèl]
5 Kite Jewova dirije wout ou*+.Met konfyans ou nan li e li menm l ap ede w+.
6 L ap fè jistis ou parèt klè tankou limyè,L ap fè jistis ou parèt klè tankou solèy midi.
ד [Dalèt]
7 Ret an silans devan Jewova+,Ret tann li ak espwa l ap ede w*.Pinga w fache lè yon mounReyalize move plan li gen nan tèt li+.
ה [He]
8 Pinga w fè kòlè, pinga w move+,Pinga w fache epi w al lage kò w nan fè sa ki mal*.
9 Paske, moun k ap fè mechanste yo ap disparèt+,Men moun ki mete espwa yo nan Jewova ap posede tè a+.
ו [Waw]
10 Talè konsa, mechan yo pap la ankò+,W ap gade kote yo te ye yo,Ou pap jwenn yo+.
11 Men, moun ki gen imilite yo ap posede tè a+,E y ap kontan anpil akoz yo pral viv nan yon lapè total+.
ז [Zayin]
12 Mechan an fè konplo sou do moun ki jis la+E l ap manje dan.
13 Men Jewova ap ri l,Paske L konnen jou pou l mouri a pa lwen+.
ח [Hèt]
14 Mechan yo rale epe yo e yo pare banza* yoPou yo lage ni moun y ap toupizi yo ni pòv malere yo atèE pou yo touye moun k ap mache dwat yo.
15 Men, pwòp epe yo ap antre nan pwòp kè yo+E banza yo ap kase.
ט [Tèt]
16 Ti sa moun ki jis la posede a pi bonPase pakèt bagay mechan yo posede yo+.
17 Bra mechan yo ap kase,Men, Jewova ap soutni moun ki jis yo.
י [Yòd]
18 Jewova konnen sa moun ki san repwòch yo ap pase*.Eritaj yo a ap la pou toutan+.
19 Lawont pap tonbe sou yo lè yo nan pwoblèm,Lè gen grangou, y ap gen manje an kantite.
כ [Kaf]
20 Men, mechan yo ap peri+,Ènmi Jewova yo ap disparèt tankou bèl patiraj,Y ap disparèt tankou lafimen.
ל [Lamèd]
21 Mechan an prete, men li pa remèt,Men, moun ki jis la donan*, li renmen bay+.
22 Moun Bondye beni yo ap posede tè a,Men, moun li lage madichon sou yo ap peri+.
מ [Mèm]
23 Lè Jewova pran plezi nan fason yon moun ye+,Li montre moun sa a kote pou l met pye l*+.
24 Moun sa a kapab bite, men li pap tonbe plat atè+Paske Jewova kenbe men l*+.
נ [Noun]
25 Mwen te jèn yon lè, e kounye a mwen vin granmoun,Men, mwen pa janm wè Bondye abandone yon moun ki jis+,Ni mwen pa janm wè pitit li ap mande charite+.
26 Li toujou prete lòt moun san grate tèt+.Pitit li yo ap jwenn benediksyon.
ס [Samèk]
27 Si w sispann fè sa ki mal e w fè sa ki byen+,W ap rete pou toutan.
28 Paske, Jewova renmen jistisE li pap lage moun ki fidèl ak li yo+.
ע [Ayin]
Y ap toujou jwenn pwoteksyon+,Men, desandan mechan yo ap peri+.
29 Moun ki jis yo gen pou yo posede tè a+E yo gen pou yo viv sou li pou toutan+.
פ [Pe]
30 Se pawòl sajès ki soti nan bouch moun ki jis la*,E moun sa a pale sa ki jis+.
31 Lwa Bondye l la nan kè l+,Pye l pap glise+.
צ [Tsade]
32 Mechan an ap gade moun ki jis laE l ap chèche touye l.
33 Men, Jewova pap lage moun ki jis la nan men mechan an+,Ni li pap kondane l lè y ap jije l+.
ק [Kòf]
34 Met espwa w nan Jewova epi mache nan chemen l yo.L ap fè lwanj pou ou e w ap resevwa tè a kòm byen pa w.Lè yo disparèt mechan yo+, w ap wè sa+.
ר [Rèch]
35 Mwen wè yon moun ki san pitye, ki mechan,K ap ouvè kò l tankou bèl pyebwa ki grandi nan tè l te pouse a+.
36 Men, bridsoukou li peri e li pa la ankò+.Mwen plede chèche l, men mwen pa ka jwenn li+.
ש [Chin]
37 Gade moun ki san repwòch* la byen,Gade moun ki dwat la+,Paske moun sa a gen pou l viv anpè+.
38 Men, tout moun k ap pratike peche yo ap peri.Mechan yo pa gen okenn avni+.
ת [Taw]
39 Se Jewova k ap sove moun ki jis yo+.Li se yon fòtrès pou yo nan moman difisil yo+.
40 Jewova ap ede yo, l ap delivre yo+.L ap retire yo anba men mechan yo e l ap sove yo,Paske se nan li yo pran refij+.
Nòt anba paj
^ Oswa: “Pinga w montre w chofe”.
^ Oswa: “Abite nan peyi a”.
^ Oswa: “Se pou w jwenn pi gwo jwa w ta ka genyen an”.
^ Lit.: “Woule wout ou sou Jewova”.
^ Oswa: “tann li avèk pasyans”.
^ Se kapab tou: “Pinga w fache, paske, se sèlman nan malè sa ap mennen”.
^ Gade Lis mo yo esplike yo.
^ Lit.: “konnen jou moun ki san repwòch la”.
^ Oswa: “moun ki jis la fè moun favè”.
^ Oswa: “Li fè pye moun sa a vin djanm”.
^ Oswa: “kenbe l ak men L”.
^ Oswa: “Bouch moun ki jis la ap pale pawòl sajès tou ba”.
^ Oswa: “moun ki rete fidèl”.
