Sòm 107:1-43
(Sòm 107-150)
107 Di Jewova mèsi paske li bon+.Lanmou fidèl li genyen an ap la pou toutan+.
2 Se sa pou moun Jewova delivre* yo di,Moun li delivre anba men* advèsè a+,
3 Moun li te rasanble ki te soti nan peyi yo+,Moun ki te soti nan lès ak nan lwès yo*,Nan nò ak nan sid yo+.
4 Yo t ap monte desann nan dezè a, kote moun pa t abite.Yo pa t ka jwenn wout pou y al nan yon vil kote yo te ka rete.
5 Yo te grangou e yo te swaf.Yo* te dekonpoze tèlman yo te fatige.
6 Lè bagay yo te rèd anpil pou yo, yo pa t sispann rele nan pye Jewova+,E li te sove yo nan sitiyasyon difisil yo te ye a+.
7 Li te fè yo mache nan bon chemen an+Pou yo te ka rive nan yon vil kote yo ka rete+.
8 Se pou moun yo di Jewova mèsi+ pou lanmou fidèl li genyen anE pou gwo aksyon li fè pou lèzòm yo+.
9 Paske, li bay moun ki te swaf yo dlo pou yo bwè*E l bay moun* ki te grangou yo anpil bon bagay pou yo manje+.
10 Genyen ki t ap viv nan yon fènwa pwès.Yo te prizonye, yo t ap soufri e yo te nan chenn.
11 Paske, yo te rebele kont sa Bondye te di,Yo te meprize konsèy Sila a ki nan pi gwo pozisyon an te ba yo+.
12 Li te kite yo tonbe nan pwoblèm pou l te ka imilye kè yo+.Yo te tonbe atè e pa t gen pèsonn pou ede yo.
13 Lè bagay yo te rèd anpil pou yo, yo te rele Jewova pou yo mande l sekou,E li te sove yo nan sitiyasyon difisil yo te ye a.
14 Li te retire yo nan fènwa pwès yo te ye a,Li te kase chenn ki te mare yo a+.
15 Se pou moun yo di Jewova mèsi pou lanmou fidèl li genyen an+E pou gwo aksyon li fè pou lèzòm yo.
16 Paske, li kraze pòt ki fèt an kuiv yoE li koupe ba fè yo+.
17 Yo te sòt, e malè te rive yo+Akoz peche ak erè yo te fè+.
18 Yo pa t anvi manje* kèlkeswa manje a,Yo te rive toupre pòtay lanmò.
19 Lè bagay yo te rèd anpil pou yo, yo te konn rele Jewova pou yo mande l sekou,E li te sove yo nan sitiyasyon difisil yo te ye a.
20 Li te konn bay lòd li e yo te geri+,Li te konn sove yo nan twou kote yo te ye a.
21 Se pou moun yo di Jewova mèsi pou lanmou fidèl li genyen anE pou gwo aksyon li fè pou lèzòm yo.
22 Se pou yo ofri l sakrifis pou yo remèsye l+E se pou yo fè konnen aksyon li fè yo toutpandan y ap rele ak kè kontan.
23 Moun ki vwayaje sou lanmè nan bato yo,Ki toujou ap pran lanmè pou y al fè komès yo+,
24 Wè aksyon Jewova fè yo,Yo wè bèl bagay li kreye ki nan lanmè yo+.
25 Yo wè ki jan pa mwayen pawòl li, li fè tanpèt+E li fè lanm lanmè yo monte byen wo.
26 Maren yo monte jis nan syèl la,Yo desann byen ba.Yo pèdi kouraj* lè yo wè malè ki pandye sou tèt yo.
27 Yo bite e yo balanse de bò tankou moun ki sou,E tout ladrès yo genyen an pa itil yo anyen+.
28 Lè bagay yo vin rèd anpil pou yo, yo rele nan pye Jewova+,E li sove yo nan sitiyasyon difisil yo ye a.
29 Li kalme van tanpèt la,Lanm lanmè yo sispann fè bri+.
30 Yo kontan lè yo wè bagay sa yo vin kalmE li mennen yo nan pò kote yo te vle ale a.
31 Se pou moun yo di Jewova mèsi pou lanmou fidèl li genyen anE pou gwo aksyon li fè pou lèzòm yo+.
32 Se pou yo ba l glwa nan mitan moun ki rasanble yo+E se pou yo fè louwanj pou li pami granmoun ki reyini yo.
33 Li fè rivyè yo tounen dezè,Li fè sous dlo yo tounen tè sèk+,
34 Li fè tè ki donnen anpil la tounen yon tè ki sale+Poutèt mechanste moun k ap viv ladan l yo fè.
35 Li fè dezè yo tounen kote ki plen dlo ak pye wozo,Li fè tè sèk la tounen yon kote ki chaje ak sous dlo+.
36 Li fè moun ki grangou yo abite la+,Yon fason pou yo ka bati yon vil pou yo rete+.
37 Yo simen semans nan jaden yo+,Yo plante jaden rezen ki donnen anpil+.
38 Li beni yo e yo vin anpil,Li pa kite twoupo bèt yo genyen yo diminye+.
39 Men, pèp la tounen vin yon ti ponyen ankò e yo jwenn imilyasyonPaske yo toupizi yo, malè tonbe sou yo e yo vin nan lapenn.
40 Li fè yo meprize gwo potanta yoE li fè yo monte desann nan dezè+.
41 Men, li pwoteje malere yo* pou yo pa toupizi yo+E li fè fanmi yo vin anpil tankou twoupo bèt.
42 Lè moun ki dwat yo wè sa, yo rejwi+,Men, tout moun ki enjis yo pe bouch yo+.
43 Moun ki saj yo ap wè bagay sa yo+E y ap byen reflechi sou sa Jewova fè ki montre li gen yon lanmou ki fidèl+.
Nòt anba paj
^ Oswa: “rachte”.
^ Oswa: “pouvwa”.
^ Oswa: “soti kote solèy la leve a ak kote solèy la kouche a”.
^ Oswa: “Nanm yo”.
^ Oswa: “li te satisfè nanm ki sèch yo”.
^ Oswa: “nanm”.
^ Oswa: “Nanm yo te rayi”.
^ Oswa: “Nanm yo fonn”.
^ Oswa: “li leve malere yo byen wo”, sa vle di moun pa ka fè yo anyen.
