Baibel be Dahaka Ia Gwau?
Tanobada ai kota maoromaoro do ia vara, a?
Edena bamona do oi haere?
Oibe
Lasi
Reana
Baibel ia gwau
“Lohiabada e, lau diba ogogami taudia, bona gau lasi taudia, be tau dikadia ese idia dagedage henidia neganai, oi ese mai maoromaoro danu, unai hisihisi abia taudia oi durua noho.” (Salamo 140:12) Dirava ena Basileia ese tanobada ai kota maoromaoro do ia karaia.
Baibel amo dahaka gaudia ma haida ita dibaia?
Dirava ese tanobada ena kara gageva ia itaia, bona do ia hamaoromaoroa.
—Hadibaia Tauna 5:8. Dirava ese kota maoromaoro do ia karaia dainai, tanobada ai maino bona noho namo do ia vara.
—Isaia 32:16-18.
Dirava ese taunimanima haida sibona ia laloa bona ma haida ia laloa lasi, a?
Taunimanima haida idia gwau Dirava ese taunimanima haida ia hanamodia bona ma haida ia gwauraia dika, to ma haida idia laloa Dirava ese maka tamona dekenai taunimanima ibounai ia kara henia. Dahaka oi laloa?
Baibel ia gwau
“Dirava ese taunimanima edia toana ia laloa lasi. To bese ibounai lalonai, Dirava dekenai idia gari, bona kara maoromaoro idia karaia taudia, be Dirava ese do ia abia dae.” (Kara 10:34, 35) Dirava ena matanai, taunimanima ibounai be hegeregere.
Baibel amo dahaka gaudia ma haida ita dibaia?
Baibel be mai ena “sivarai namona” ‘bese, iduhu, gado, bona kopi idauidau taudia ibounai’ totona.
—Apokalupo 14:6.
