GIMA KOHORONA—STADI GAUNA September 2014
Inai magasin lalonai be October 27 ia lao November 30, 2014 edia stadi atikol idia noho.
Elda Tauna Ena Maduna Oi “Tahua,” A?
Edena bamona dala maorona ai unai do oi karaia?
Dahaka Dainai Oi Abia Dae Oi be Hereva Momokani Oi Davaria?
Inai stadi ai do ita itaia dahaka dainai taunimanima momo idia gwau Iehova ena Witnes taudia dekenai hereva momokani ia noho. Bona do ita itaia dahaka dainai Iehova ena Witnes taudia danu idia abia dae idia be hereva momokani idia davaria vadaeni.
Ena be “Hisihisi Idauidau” Oi Davaria, To Dirava Oi Badinaia Noho
Ita ibounai be Satani ena tanobada ai ita noho dainai, hisihisi idauidau ita davaria. Satani ese ita ia tuari henia daladia haida be dahaka? Edena dala ai unai tuari hanaia totona do ita hegaegae?
Tama Sina E—Emui Natudia Umui Naria
Tama sina edia maduna be “Iehova ena matahakani bona sisiba amo” edia natudia do idia hadibaia. (Efeso 6:4) Inai stadi ese tama sina be edia natudia do idia naria, bona idia durua edia kudouna amo Iehova do idia lalokau henia daladia toi ia herevalaia.
Duahia Taudia Edia Henanadai
Salamo 37:25 bona Mataio 6:33 edia hereva ena anina be, Iehova ese Keristani tauna ta do ia rakatania lasi ia hitolo totona, a?
Mase—Eda Inai Gauna Ginigabena, Do Ia Ore Momokani
Mase bona ia idia havaraia karadia ibounai ese hisihisi bada idia havaraia.Dahaka dainai taunimanima idia mase? Edena negai “mase, iseda inai tauna ginigabena unai, be do ia ore momokani”? (1 Korinto 15:26) Henanadai edia haere amo oi itaia edena dala ai Iehova be kota maoromaoro, aonega bona lalokau tauna.
Ful-taim Hesiai Taudia Laloa Bada
Iehova ena hesiai taudia momo be ful-taim hesiai gaukara idia goadalaia. Dahaka ita karaia diba, edia “abidadama karadia” bona “lalokau dainai [idia] karaia gaukara” ita laloa totona?—1 Tesalonika 1:3.
