Ita ibounai be sibona eda stadi karaia totona nega sisina ita atoa diba. Edena dala ai unai nega ita gaukaralaia namonamo diba? Gau ginigunana be nega bada do oi atoa oi stadilaia gauna oi duahia totona. Badina oi stadilaia gauna oi laloa namonamo neganai, oi do ia durua bada, to bema oi duahia haragaharaga, gau ta do oi lalopararalaia lasi.

Bena, mai anina bada gaudia oi abia hidi. (Efe. 5:15, 16) Dala haida be inai:

• Dina ta ta ai Baibel oi duahia. (Sal. 1:2) Dala namona ta be iseda wiki ena hebou ai ita karaia Baibel duahiduahi ena sediual oi badinaia diba.

• Gima Kohorona stadi bona wiki ena hebou oi hegaegaelaia. Oi hegaegae haere oi henia totona.​—Sal. 22:22.

• Nega ia noho neganai, orea ese ia halasia gaudia oi duahia bona itaia, hegeregere pablik magasin, vidio idauidau bona jw.org ai idia halasia gaudia.

• Oi ura henia topik ta oi stadilaia. Reana oi davaria hekwakwanai ta, oi laloa henanadai ta, eiava oi ura lalopararalaia namonamo Baibel ena topik ta dekenai tahua gaukara oi karaia diba. Hereva ma haida oi diba totona, jw. org ai “Bible Study Activities” ena kahana oi riviulaia diba.