HAIDA IDIA LALOA taunimanima ese tomadiho idia havaraia. Ma haida idia laloa Dirava ese tomadiho amo taunimanima ia durua ia kahirakahira idia lao totona. Oi be dahaka oi laloa?

BAIBEL IA GWAU

“Iseda Dirava bona Tamana ena matanai ia goeva bona miro lasi tomadiho” ta ia noho. (Iamesi 1:27) Tomadiho momokanina o goevana be Dirava ese ia havaraia.

BAIBEL AMO MA DAHAKA ITA DIBAIA?

• Tomadiho ta ese Dirava ia hamoalea totona, namona be Baibel ena hereva momokani ia hadibaia.​—Ioane 4:23, 24..

• Taunimanima edia lalohadai herevadia idia hadibaia tomadiho be anina lasi.​—Mareko 7:7, 8.

OI BE DAHAKA OI LALOA?

• Oibe

• Lasi

• Lau diba lasi

BAIBEL IA GWAU

“Namona be ta ta ibounai do ita laloa bona do ita hagoadaia, ita lalokau heheni bona kara namodia ita karaia totona. Bona iseda hebou karana ita rakatania lasi.” (Heberu 10:24, 25) Dirava ia ura ena taunimanima be grup ta bamona idia hebou bena ia idia tomadiho henia.

BAIBEL AMO MA DAHAKA ITA DIBAIA?

• Dirava idia tomadiho henia taudia idia lalotamona be namo.​—1 Korinto 1:10, 11.

• Dirava idia tomadiho henia taudia be tanobada ibounai tadikaka oreana tamona idia haginia.​—1 Petero 2:17.