Moni Gaukaralaia Dalana
Taunimanima momo ese Baibel ena hakaua herevadia idia badinaia dainai, moni ena hekwakwanai idauidau idia davaria lasi.
PALANI NAMONA KARAIA
BAIBEL ENA HAKAUA HEREVANA: “Mai haheauka danu ia gaukara noho tauna ena laloa, ese anina ia havaraia bada noho, to laloa haraga taudia be do idia ogogami.”—Aonega Herevadia 21:5.
ANINA BE DAHAKA: Namona be palani oi karaia bona oi badinaia be mai anina bada. Unai dainai oi palani namonamo. Laloatao, oi ura henia gaudia ibounai oi hoia diba lasi. Unai dainai, emu moni oi gaukaralaia namonamo.
DAHAKA OI KARAIA DIBA?
-
Emu bajet oi badinaia. Namona be oi ura hoia gaudia ibounai edia lista ta oi karaia bona grup ai oi atoa, hegeregere aniani, dabua, bona ruma gaudia. Bena oi laloa grup ta ta dekenai moni hida do oi gaukaralaia. Bema grup ta dekenai moni bada oi gaukaralaia, grup ma ta ena moni oi gaukaralaia diba ena davana karaia totona. Hegeregere, bema motuka ena fuel totona oi palanilaia moni be hegeregere lasi, vadaeni anina bada lasi gaudia hegeregere—restaurant ai oi aniani totona—oi atoa moni oi gaukaralaia diba.
-
Abitorehai karana dadaraia. Namona be abitorehai momo oi karaia lasi. To, namona be moni oi haboua mai anina bada gaudia hoia totona. Bema credit card oi gaukaralaia, namona be hua ta ta ena dokonai oi karaia abitorehai ena davana ibounai oi henia, unai amo interest do idia atoa kau lasi. Bema oi be mai emu abitorehai, oi abia moni ena davana oi henia lou ena palani ta karaia, bena unai oi badinaia.
Tahua gaukarana ia karaia tauna ta ia gwau, taunimanima ese credit card amo kohu momo idia hoia neganai, moni bada idia halusia diba. Unai dainai, bema oi be mai emu credit card, namona be oi gaukaralaia namonamo.
OI LAHEDO LASI
BAIBEL ENA HAKAUA HEREVANA: “Bema lahedo tauna ese, hadoa nega korikori dekenai iena tano ia hadoa lasi neganai, anina haboua neganai ia be do ia tahua, to gau ta do ia davaria lasi.”—Aonega Herevadia 20:4.
ANINA BE DAHAKA: Lahedo karana ese ogogami ia havaraia diba. Unai dainai, gaukara namonamo tauna ai oi lao, bona emu moni oi gaukaralaia namonamo unai amo vaira negana ai do oi dabu lasi.
DAHAKA OI KARAIA DIBA?
-
Gaukara goada. Bema oi gaukara goada bona emu maduna oi huaia namonamo neganai, emu bosi be oi do ia ura henia bona gaukara amo oi do ia kokia lasi.
-
Kara momokani hahedinaraia. Emu bosi amo oi henaohenao lasi. Henaohenao karana ese emu ladana ia hadikaia diba bona gabeai do ia auka gaukara ma ta oi abia totona.
-
Mataganigani karana dadaraia. Moni momo abia karana ese emu helt bona hetura karana ma haida ida ia hadikaia diba. Laloatao, emu mauri be mai anina bada to moni lasi.
BAIBEL ENA HAKAUA HEREVA MA HAIDA
Jw.org ai, gado handred momo ai idia hahanaia Baibel oi duahia diba
ISEDA NEGA BONA MONI ITA GAUKARALAIA NAMONAMO.
“Kekero taudia bona idia aniani momo taudia, be do idia ogogami, bona mahuta momo taudia, be momoru dabua do idia karaia.”—AONEGA HEREVADIA 23:21.
OI LALOHEKWARAHI MOMO LASI.
“Namo lasi emui mauri totona umui lalohekwarahi, dahaka do umui ania eiava dahaka do umui inua eiava dahaka dabua do umui hahedokilaia.”—MATAIO 6:25.
KOHU URA DIKADIKA KARANA DADARAIA
“Ena moni sibona ia laloa tauna ese, ia ura kohu momo do ia davaria haraga, to ia diba lasi ogogami ese do ia davaria.”—AONEGA HEREVADIA 28:22.
Reana Inai Danu Oi Ura
TOPIK MA HAIDA
Moni Sisina Gaukaralaia Namonamo Dalana
Oi abia moni sisina ese karaharaga lalohekwarahi ia havaraia diba, to Baibel ai idia noho aonega dalana badinaia karana ese oi ia durua diba emu moni sisina oi gaukaralaia namonamo totona.
