Tanobada hegegemadai, taunimanima be dina ena siahu bada negana bona weda ese ia havaraia dika idia haheaukalaia noho. Ripoti haida be inai:

•   “Lagani 174 gunanai taunimanima ese dina ena siahu idia rekodia negana amo ema bona hari, inai lagani ena hua June ai dina ena siahu be bada herea.”​—National Oceanic and Atmospheric Administration, U.S. Department of Commerce, July 13, 2023.

•   “Italy, Spain, France, Germany bona Poland ai dina be do ia siahu bada herea dainai, Sicily bona Sardinia motumotu ai dina ena siahu be 48°C amo do ia daekau. Europe ai unai be idia rekodia siahu bada negana.”​—European Space Agency, July 13, 2023.

•   Inai tanobada ena siahu ia bada ia lao noho dainai, medu momo do ia diho, bona unai ese abata badadia do ia havaraia.”​—Stefan Uhlenbrook, director of hydrology, water and cryosphere at the World Meteorological Organization, July 17, 2023.

 Unai bamona ripoti dainai oi laloa momo, a? Mani Baibel ese ia gwauraia gauna oi laloa.

 Oibe. Tanobada ai dina ena siahu ia bada bona weda dikadia haida ese Baibel ena peroveta hereva iseda nega totona ia hagugurua. Hegeregere, Iesu ia peroveta ita ese “gari bada gaudia” eiava “toa idauidau bona gari gaudia” do ita itaia. (Luka 21:11; Good News Translation) Tanobada ena siahu ia bada ia lao dainai momo idia gari badina taunimanima ese tanobada do idia hadikaia.

 Lasi. Dirava ese tanobada ia karaia do ita noholaia hanaihanai totona. Taunimanima ese do idia hadikaia ore lasi. (Salamo 115:16; Hadibaia Tauna 1:4) Ia gwauhamata ‘tanobada idia hadikaia taudia do ia hadikaia ore.’​—Apokalupo 11:18

 Baibel ia hahedinaraia Dirava ese tanobada be hadikaia gaudia amo ia gimaia diba.

•   “[Dirava] ese lai gubana ia hadokoa, davara ena hurehure ena regena ia ore.” (Salamo 107:29) Dirava be mai ena siahu weda ia biagua totona. Taunimanima ese tanobada idia hadikaia dainai idia vara hekwakwanai be Dirava ese do ia hanamoa diba.

•   “Oi ese tanobada oi naria namonamo, huahua momo oi havaraia bona tano oi hanamoa.” (Salamo 65:9) Dirava ese tanobada do ia hanamoa bona paradaiso ai do ia halaoa.

 Baibel ena gwauhamata tanobada ia namo lou totona ena diba ma haida oi abia totona, atikol ladana “Daika ese Tanobada Do Ia Hamauria?” itaia.