Taunimanima momo idia laloa unai do ia vara diba lasi.

•   “Kopina ena kala o bese idau taudia inai henia karana be poisini ta bamona, tano momo bona komiuniti ai taunimanima edia dina ta ta maurina ia hadikaia. Unai kara dainai taunimanima be ta ta idia kara namo henia lasi.”​—António Guterres, UN Secretary-General.

 Bese idauidau taudia be maka tamona ai do idia kara henia diba, a? Baibel be dahaka ia gwau?

 Baibel amo Dirava ese bese idauidau taudia ia laloa dalana ita dibaia.

•   “[Dirava] ese tau tamona amo bese ibounai taudia ia karaia, tanobada ibounai dekenai idia noho totona.”​—Kara 17:26.

•   “Dirava be taunimanima edia toana ia laloa lasi, to bese ibounai lalonai ia idia gari henia bona kara maoromaoro idia karaia taudia be ia ese ia abia dae.”​—Kara 10:34, 35.

 Baibel ia hahedinaraia taunimanima ibounai be famili tamona amo idia mai bona Dirava ese bese idauidau taudia ia abia dae.

 Bese idauidau taudia be Dirava ena Basileia, guba gavamanina unai, henunai lalotamona ai do idia noho. Unai gavamani ese taunimanima do ia hadibaia edena dala maorona ai ma haida idia kara henia totona. Taunimanima ese bese idauidau taudia idia inai henia karana dadaraia dalana do idia dibaia.

•   “Tano ai idia noho taudia be kara maoromaoro [do] idia diba.”​—Isaia 26:9.

•   “Kara maoromaoro ese maino do ia havaraia, bona unai kara maoromaoro ese maino hanaihanai bona noho namo do ia mailaia.”​—Isaia 32:17.

 Hari, taunimanima milioni momo be Baibel amo mai hemataurai ida ma haida kara henia dalana idia dibaia.

•   Diba ma haida abia totona, Awake! Magasin ladana “Is There a Cure for Prejudice?” oi duahia

•   Atikol ladana, “Talking to Children About Racism” oi duahia, tama sina ese natudia ida ruma dekenai unai topik idia herevalaia dalana oi dibaia totona.