Baibel lalonai mauri durua ena aonega sisibadia idia noho. Bema hanaihanai oi duahia, oi laloadobu, bona emu mauri ai oi dibaia gaudia oi badinaia, “oi karaia gaudia lalonai do oi kwalimu.” (Iosua 1:8; Salamo 1:1-3) Danu Dirava bona iena Natuna Iesu do oi dibaia, bona unai diba ese oi dekenai hahemauri do ia henia.​—Ioane 17:3.

Baibel bukadia be edena oda ai oi duahia be namo? Oi sibona ese unai oi abia hidi diba. Baibel duahiduahi ena sediual ese oi do ia durua Baibel bukadia be edia oda hegeregerena ai, o edia sinado hegeregerena oi abia hidi bona duahia totona. Hegeregere, Dirava ese idaunegai Israela taudia ia kara henia ena sivarai oi diba totona unai kahana sibona oi abia hidi diba. Kahana ma haida be hegeregere, Keristani kongrigeisen ia matamaia bona ia bada ia lao dalana ena sivarai oi duahia diba. Bema Baibel ena karoa haida be dina ta ta ai oi duahia, lagani tamona lalonai Baibel oi duahia ore diba.

Bema dina ta ta ena Baibel duahiduahi sediual, lagani tamona ena Baibel duahiduahi o emu nega ginigunana Baibel duahia ena sediual ta oi ura, inai sediual oi gaukaralaia diba. Oi printaia Baibel duahiduahi sediual daonloud bona hari oi matamaia.