UMUI GIMA NOHO!
Lagani 2023: Lalohekwarahi Laganina—Baibel be Dahaka Ia Gwau?
Lagani 2023 lalonai, idia vara gaudia ese idia hamomokania ita be Baibel ese ia gwauraia “dina gabedia ai” ita noho. (2 Timoteo 3:1) Mani oi laloa hari idia vara noho gaudia be Baibel ena peroveta herevadia ida ia hegeregere.
Baibel bona tanobada ai idia vara gaudia
“Tuari sivaraidia do umui kamonai.”—Mataio 24:6.
“Tanobada ena kahana momo ai tuari badadia idia vara noho.” a
Atikol ladana “Daika ese Ami Idia Vareai Lasi Taudia Do Ia Hamauria?” bona “Tanobada Gavamani ese Tuari Totona Dola Trilioni Rua Idia Negea” itaia.
“Gabu momo ai tano mareremarere.”—Mareko 13:8.
“Lagani 2023 ia matamaia negana amo, tanobada ibounai ai tano mareremarere 13 be magnitude 7 ia hanaia, idia rekodia negana amo, unai be bada herea.” b
Atikol ladana “Tano Mareremarere ese Turkey Bona Syria Ia Hadikaia” itaia.
“Gari do idia havaraia gaudia.”—Luka 21:11.
“Guna tanobada be ia siahu bada: hari tanobada be ia boila bamona.”—António Guterres, UN secretary-general. c
Atikol ladana “Lagani 2023 ai Dina Ena Siahu Ia Bada Herea” itaia.
“Hitolo bada.”—Mataio 24:7.
“Lagani 2023: Famili ubua totona idia hekwarahi taudia dekenai dika bada ia havaraia.” d
Atikol ladana “Tuari Bona Weda Ia Idau Noho Dainai Aniani be Do Ia Hegeregere lasi” itaia.
“Nega aukadia do idia vara, unai ese taunimanima do idia hametaua bada.”—2 Timoteo 3:1.
“Tanobada ibounai ai taunimanima 8 amo tamona be mentol helt gorerena ia abia.” e
Atikol ladana “Matamata Taudia Dekenai Mentol Helt Gorerena Ia Bada Ia Lao Noho” itaia.
Lagani 2024 ai dahaka do ia vara?
Ta ia diba lasi lagani 2024 ai dahaka do ia vara. To tanobada ai idia vara gaudia ese idia hahedinaraia daudau lasi Dirava ena Basileia, eiava guba gavamani ese taunimanima edia gavamani edia gabu do ia abia bona hisihisi bona lalohekwarahi idia havaraia gaudia ibounai do ia haorea.—Daniela 2:44; Apokalupo 21:4.
Unai ita naria noho lalonai, bema ita lalohekwarahi, Dirava dekenai heduru ita noia diba. Baibel ia gwau:
“Lau gari neganai, lau ese oi lau abidadama henia.”—Salamo 56:3.
Edena dala ai ita hahedinaraia diba Dirava ita trast henia? Oi ai invait Baibel ese ia gwauhamatalaia hisihisi lasi vaira nega oi dibaia totona. Davana lasi Baibel kosi oi tohoa, unai amo do oi itaia edena dala ai oi bona emu famili be Baibel ena gwauhamata ese umui ia durua diba.
a Foreign Affairs, “A World at War: What Is Behind the Global Explosion of Violent Conflict?” by Emma Beals and Peter Salisbury, October 30, 2023.
b Earthquake News, “Year 2023: Number of Major Earthquakes on Course for Record,” May, 2023.
c United Nations, “Secretary-General’s Opening Remarks at Press Conference on Climate,” July 27, 2023.
d World Food Programme, “A Global Food Crisis.”
e World Health Organization, “World Mental Health Day 2023,” October 10, 2023.
Reana Inai Danu Oi Ura
TOPIK MA HAIDA
Helaro Korikorina Vaira Nega Totona
Dahaka dainai Baibel ena gwauhamata be taunimanima edia gwauhamata bona peroveta herevadia amo ia idau?
MAI ANINA BADA BAIBEL HADIBAIA HEREVADIA
Dirava Ena Basileia be Dahaka?
Iesu ena hesiai gaukara negana lalonai, iena hahediba herevadia ibounai amo Dirava ena Basileia herevana ia hadibaia momo. Lagani handred momo lalonai, ena murinai idia raka taudia be Basileia ia mai totona idia guriguri.
NOGA!
Oi Lalohekwarahi Neganai, Dahaka Oi Karaia Diba?
Lalohekwarahi oi hanaia bona oi hamaragia dalana ena hakaua hereva namodia mani oi riviulaia.
AI KARAIA GAUDIA
Vadivadi Totona Oi Noinoi
Baibel ena henanadai herevalaia, eiava Iehova ena Witnes taudia io diba namonamo.
