STADI 18
Kamonai Taudia Durua Gau ta Idia Dibaia Totona
1 Korinto 9:19-23
POINT BADANA: Kamonai taudia oi durua oi herevalaia topik idia laloa totona, unai amo do idia mamia gau namona ta idia dibaia.
KARAIA DALANA:
-
Kamonai taudia ese idia diba vadaeni gaudia oi laloa. Namo lasi guna idia kamonai vadaeni gaudia oi herevalaia lou, to unai topik ena point ma ta oi herevalaia.
-
Tahua gaukara bona laloa dobu karana. Bema ia hegeregere, taunimanima idia do diba lasi gaudia haida oi herevalaia, lalohadai badadia oi hahedinaraia totona. Namona be emu tok bona emu tahua gaukara ai oi davaria gaudia ese do oi herevalaia gauna ia durua dalana oi laloa dobu.
-
Oi herevalaia gauna ena namo oi hahedinaraia. Baibel ese kamonai taudia edia mauri ia durua dalana oi herevalaia. Namona be mauri ai idia vara gaudia bona haheitalai haida oi gaukaralaia, unai amo kamonai taudia idia itaia, unai bamona negadiai dahaka do idia karaia.
