Isaia 50:1-11
50 Iehova be inai bamona ia gwau:
“Emui sinana, lau siaia lao hahinena, ena divos pepa be edeseniai?+
Eiava abitorehai davana henia totona umui lau hoihoilaia, a?
Itaia, sibona emui kerere dainai umui idia hoia,+Bona emui kara dika dainai emui sinana idia abia lao.+
2 Lau mai neganai, dahaka dainai iniseniai ta ia noho lasi?
Lau boiboi neganai, dahaka dainai ta ia haere lasi?+
Umui ruhaia totona, egu imana ia kwadogi, a?
Eiava umui hamauria totona, lau be siahu lasi, a?+
Itaia, egu goada amo davara lau hakaukaua,+Bona sinavai be tano kaukau ai lau halaoa.+
Edia gwarume idia bodaga, badina ranu be lasi,Bona idia mase, badina ranu idia inua lasi.
3 Lau ese guba be dibura ai lau halaoa,+Bona dabua koremana amo lau koua.”
4 Siahu Ibounai Lohiabadana Iehova ese hereva dalana be lau dekenai ia hadibaia,+Unai amo hereva maorodia amo hesiku tauna lau haere henia* diba.+
Ia ese daba iboudiai lau ia hanogaia,Bona egu taiana ia kehoa, diba idia abia taudia bamona lau kamonai totona.+
5 Siahu Ibounai Lohiabadana Iehova ese lau dekenai laloparara ia henia,Bona lau gwau-edeede lasi.+
Lau be dala idauna dekenai lau raka lasi.+
6 Egu doruna idia botaia neganai, idia lau koua lasi,Bona idia ese egu aukina huina idia kokia.
Lau idia hahemaraia bona egu vairana idia kanudia.+
7 To Siahu Ibounai Lohiabadana Iehova ese lau do ia durua.+
Unai dainai haida edia hereva dekenai do lau gari lasi.
Egu lalona lau hadaia lau gini goada* totona,+Bona lau diba haida ese lau do idia hahemaraia lasi.
8 Lau ia gwauraia maoromaoro Diravana be lau kahirakahira ia noho.
Daika be lau ida ia hepapahuahu diba?+
Namona be unai ita herevalaia.
Daika be lau totona mai ena samani herevana ta?
Namona be lau ia hamaoroa.
9 Itaia, Siahu Ibounai Lohiabadana Iehova ese lau do ia durua.
Daika ese lau do ia gwauraia kerere?
Itaia, idia ibounai be dabua bamona do idia dika.
Manumanu ese idia do ia ania ore.
10 Emui huanai daika be Iehova ia gari henia?
Bona daika be ena hesiai tauna ena hereva ia kamonai?+
Daika be dibura momokani, diari sisina be lasi gabuna ai ia raka?
Namona be Iehova ena ladana ia abidadama henia bona ena Dirava dekenai ia tabekau.
11 Bona ia gwau: “Itaia, lahi umui karaia taudia ibounai e,Lahi maragimaragi umui karaia taudia,Emui lahi ena diari ai umui raka,Umui karaia lahi maragimaragi edia huanai umui raka.
Lau ese unai bamona umui do lau panisia,Hisihisi bada lalonai do umui hekure.
