Habakuku 1:1-17
1 Lau, peroveta tauna Habakuku,* be matahanai amo hereva ta lau kamonai.
2 Iehova e, heduru totona do lau taitai ela bona edena negai, to oi kamonai lasi?+
Dagedage amo lau oi hamauria totona oi dekenai do lau boiboi ela bona edena nega, to kara ta oi karaia lasi?+
3 Dahaka dainai oi ura lau ese kara dika do lau itaia noho?
Dahaka dainai ma haida ese taunimanima idia hadikaia karana oi koua lasi?
Dahaka dainai kohu hadikaia bona dagedage karana lau do itaia noho?
Dahaka dainai hepapahuahu bona heai karadia idia do vara noho?
4 Taunimanima be taravatu idia badinaia lasi,Kota maoromaoro idia karaia lasi.
Kara dika taudia ese kara maoromaoro taudia idia hahisia,Unai dainai kota maoromaoro idia hagagevaia.+
5 “Taunimanima e, idau bese taudia umui itaia!
Mai hoa ida uduna umui kehoa bona umui herarai,Badina emui nega ai gau ta do ia vara,Ena be umui do idia hamaoroa to do umui abia dae lasi.+
6 Lau ese Kaledea taudia do lau gaukaralaia,*+Idia be badu haraga bona dagedage bada besena.
Tanobada ena gabu ibounai dekenai idia laoMa haida edia noho gabudia idia abia totona.+
7 Idia be taunimanima idia hagaria bona taunimanima ese idia gari henidia.
Sibodia edia taravatu idia haginia bona dagi idia abia.+
8 Edia hosi idia heau haraga dalana ese lepadi edia heau haraga dalana idia hanaia,Bona edia dagedage karana ese hanuaboi ai idia loaloa uda sisia edia dagedage karana ia hereaia.+
Edia hosi idia heau mai haraga,Edia hosi be gabu daudau amo idia mai.
Ugava bamona idia roho diho haraga idia aniani totona.+
9 Idia ibounai be dagedage totona idia mai.+
Idia heau hebou neganai idia be ist kahana amo ia mai lai bamona,+Bona idia abia mauri taudia be miri bamona idia haboua.
10 King taudia idia hevasehalaia,Bona tau badadia idia kirikirilaia.+
Siti ena magu aukadia ibounai idia kirikirilaia,+Tano idia haboua daekau bena idia vareai bona siti idia abia.
11 Lai bamona unai siti lalonai do idia vareai lao,To idia be do idia kerere,+Badina idia gwau edia goada be edia dirava amo idia abia.”+
12 Iehova e, oi be gunaguna negana amo oi noho ema bona hari, ani?+
Egu Helaga Diravana e, oi be oi mase diba lasi.*+
Iehova e, idia oi abia hidi kota maoromaoro idia karaia totona.
Egu Gimaia Tauna* e,+ idia oi abia hidi vadaeni oi panisidia* totona.+
13 Emu matana be ia helaga momokani dainai kara dika do oi raraia noho lasi,Bona kara dika do oi haheaukalaia noho lasi.+
Dahaka dainai koikoi tauna ena kara oi haheaukalaia,+Bona kara dika tauna ese kara maoromaoro tauna ia hadikaia neganai, hereva ta oi gwauraia lasi?+
14 Dahaka dainai taunimanima be gwarume bamona oi kara henidia,Davara lalonai idia rau gaudia bamona, idia gimaia totona gunalaia tauna be lasi?
15 Dika tauna* ese idia ibounai be kimai amo ia veridia.
Iena reke amo ia abidia,Bona ena reke lalonai ia haboudia.
Unai dainai ia moale bada.+
16 Unai dainai iena reke dekenai boubou gaudia ia heniaBona bonana namona muramura ia gabua,Badina iena reke dainai iena aniani be mai ena digara,Bona ia be mai ena aniani namodia.
17 Ena reke be gwarume amo do ia honu bona do ia kokidia noho, a?*
Ia be bese idauidau do ia hamasedia noho bona hebogahisi ia hahedinaraia lasi, a?+
Futnout
^ Reana anina be “Rosia.”
^ Heb., “hatorea isi.”
^ Eiava reana, “do ai mase lasi.”
^ Heb., “Egu Nadi.”
^ Eiava “sisiba henidia.”
^ Unai be, Kaledea.
^ Eiava reana, “iena tuari kaia do ia gaukaralaia noho, a?”
