Yexus tib leeg xwb thiaj yog tus uas Vajtswv siv los coj peb mus cuag tau Vajtswv. Yog li ntawd, peb yuav tsum thov Vajtswv los ntawm Yexus lub npe. Yexus hais tias: “Kuv yog txojkev, yog qhov tseeb thiab yog txojsia; tsis muaj leejtwg mus cuag tau Leej Txiv, tsuas yog mus ntawm kuv mus xwb thiaj tau.” (Yauhas 14:6) Yexus kuj qhia rau nws cov thwjtim tias: “Yog nej tuav kuv lub npe thov ib yam dabtsi ntawm Leej Txiv, nws yeej yuav pub yam ntawd rau nej.”​—Yauhas 16:23.

Yog vim li cas peb thiaj tuav Yexus lub npe thov Vajtswv thiab?

•   Peb hwm Yexus thiab nws Leej Txiv Yehauvas.​—Filipis 2:9-11.

•   Peb saib qhov uas Vajtswv tso Yexus los tuag theej peb lub txhoj rau nqi.​—Mathais 20:28; Tes Haujlwm 4:12.

•   Peb lees yuav Yexus tes haujlwm ua tus nyob nruab nrab lossis tus tsoob zeej ntawm Vajtswv thiab noob neej.​—Henplais 7:25.

•   Peb ris Yexus txiaj ntsig rau nws tes haujlwm ua tus Tuam Pov Thawj Hlob, uas pab tau peb nrog Vajtswv sib raug zoo.​—Henplais 4:14-16.