ZAJ KAWM 34
Yog Koj Hlub Yehauvas Koj Yuav Ua Li Cas?
Txij thaum koj kawm Vajlugkub los no, koj puas paub Vajtswv zoo me ntsis? Koj puas xav kawm kom koj paub Vajtswv zoo tshaj no ntxiv? Nco ntsoov hais tias thaum Vajtswv Yehauvas pom tias koj muaj kev hlub rau nws ces nws yuav hlub koj thiab saib xyuas koj. Yog tias koj hlub Yehauvas, koj yuav ua li cas?
1. Yog tias koj hlub Yehauvas, koj yuav ua li cas?
Yehauvas cia peb xaiv seb peb yuav mloog nws lus los tsis mloog, nws tsis yuam peb. Yehauvas ua li ntawd vim nws xav kom peb ‘muaj lub siab xav mloog Nws lus tiag tiag.’ (Loos 6:17) Yog peb hlub Yehauvas ces peb yeej yuav mloog nws lus thiab ua li nws hais. (Nyeem 1 Yauhas 5:3.) Ntu 3 thiab 4 hauv phau ntawv no yuav pab kom koj paub hwm Yehauvas thiab paub ua kom haum nws siab.
2. Vim li cas tsis yooj yim rau peb mloog Yehauvas lus?
“Tus neeg ncaj ncees tiv ntau yam kev nyuaj siab.” (Phau Ntawv Nkauj 34:19) Peb txhua tus yeej zoo tsis tas ces peb nyias yeej muaj nyias ib txog kev nyuaj siab. Tsis tas li ntawd xwb, muaj tej zaum peb tseem raug lwm yam teeb meem thiab, xws li raug kev tsis ncaj ncees los sis txom nyem nyiaj txiag. Thaum peb muaj kev nyuaj siab ces yuav tsis yooj yim rau peb mloog Yehauvas lus vim peb yuav xav hais tias mloog Yehauvas lus nyuaj dhau lawm. Tiam sis nco ntsoov hais tias thaum koj rau siab mloog Yehauvas lus ces twb yog koj qhia rau nws tias koj hlub nws thiab muab siab npuab nws. Yehauvas los yeej yuav hlub koj thiab tsis tso koj tseg.—Nyeem Phau Ntawv Nkauj 4:3.
KAWM NTXIV
Kawm seb yog vim li cas thaum koj mloog Yehauvas lus thiaj ua rau nws zoo siab, thiab koj yuav ua li cas koj thiaj ua tau li ntawd.
3. Xatas iab liam peb sawv daws
Raws li phau Vajlugkub hais hauv phau ntawv Yauj, Xatas tsis yog iab liam Yauj nkaus xwb, tiam sis nws kuj iab liam txhua tus uas xav teev tiam Yehauvas thiab. Nyeem Yauj 1:1, 6–2:10 thiab tham txog ob lo lus no:
-
Xatas hais li cas txog Yauj?—Saib Yauj 1:9-11.
-
Xatas iab liam koj thiab txhua leej txhua tus li cas?—Saib Yauj 2:4.
Nyeem Yauj 23:11, 12 thiab tham txog lo lus no:
-
Ua cas peb thiaj paub tias Yauj muab siab npuab Yehauvas?
Vim Yauj hlub Yehauvas, Yauj thiaj muab siab npuab rawv nws
Yog peb hlub Yehauvas ces peb yuav muab siab npuab rawv nws
4. Ua rau Yehauvas zoo siab
Nyeem Pajlug 27:11 thiab tham txog lo lus no:
-
Yehauvas yuav xav li cas, yog koj ua neeg ntse thiab mloog nws lus?
5. Koj yeej muab siab npuab tau rau Yehauvas
Yog koj hlub Yehauvas ces koj yeej xav qhia txog nws rau lwm tus. Yog koj muab siab npuab Yehauvas ces txawm hais tias muaj tej thaud tsis yooj yim los koj yeej yuav qhia lwm tus txog nws. Saib zaj YEEB YAJ KIAB thiab tham txog ob lo lus no:
-
Puas muaj tej thaum tsis yooj yim rau koj tham txog Yehauvas rau lwm tus?
-
Hauv zaj yeeb yaj kiab no Nkaj Huas ua li cas, nws thiaj tsis ntshai qhia txog nws txoj kev ntseeg?
Yog koj nyiam tej uas Yehauvas nyiam thiab ntxub tej uas nws ntxub ces yuav yooj yim dua rau koj mloog nws lus. Nyeem Phau Ntawv Nkauj 97:10 thiab tham txog ob lo lus no:
-
Raws li tej uas koj twb kawm lawm, Yehauvas nyiam dab tsi thiab nws ho ntxub dab tsi?
-
Koj yuav ua li cas koj thiaj xav ua zoo thiab tsis xav ua phem ua qias?
6. Mloog Yehauvas lus yeej pab tau peb tshaj
Mloog Yehauvas lus yeej zoo dua rau koj. Nyeem Yaxayas 48:17, 18 thiab tham txog ob lo lus no:
-
Koj puas ntseeg tias Yehauvas paub tias dab tsi zoo tshaj rau koj?
-
Tej uas koj kawm hauv phau Vajlugkub thiab kawm txog Vajtswv Yehauvas pab tau koj li cas?
IB TXHIA HAIS TIAS: “Txawm kuv yuav ua dab tsi los Vajtswv yeej tsis quav ntsej.”
-
Koj yuav siv nqe Vajlugkub twg los qhia tias tej uas peb ua yeej tseem ceeb rau Yehauvas?
KOJ KAWM TAU DAB TSI
Yog koj hlub Yehauvas ces txawm yuav tsis yooj yim rau koj los koj yeej yuav mloog nws lus thiab muab siab npuab rawv nws.
Rov Tham Dua
-
Koj kawm tau li cas los ntawm Yauj tus qauv?
-
Yog tias koj hlub Yehauvas, koj yuav ua li cas?
-
Yuav ua li cas koj thiaj muab siab npuab rawv Yehauvas?
TSHAWB NTXIV
Saib seb koj yuav ua li cas koj thiaj muaj siab npuab Yehauvas thiab lub koom txoos.
Kawm seb Xatas iab liam tib neeg li cas.
“Yauj Muab Siab Npuab Yehauvas” (Phau Vajlugkub—Txoj Xov Yog Dab Tsi? ntu 6)
Saib seb cov me nyuam yaus ho muab siab npuab tau rau Yehauvas li cas.
Cov tub ntxhais hluas yuav ua li cas lawv cov npoj thiaj txw tsis tau lawv mus ua tej yam uas Vajtswv tsis nyiam?
Tej Yam No Yuav Pab Tau Koj Thiab
TEJ UAS COOB TUS NUG TXOG
Kev Kawm Vajlugkub Nrog Yehauvas Cov Tim Khawv Zoo Li Cas?
Yehauvas Cov Tim Khawv qhia Vajlugkub dawb xwb. Koj xav siv phau Vajlugkub twg los kawm los yeej tau. Koj yeej caw tau tag nrho koj tsev neeg thiab koj tej phooj ywg tuaj nrog koj kawm.
