ZAJ NKAUJ 55
Tsis Txhob Ntshai!
-
1. Kuv haiv neeg’e, rau siab ntso tshaj
Txoj xov txog lub Nceeg Vaj tiag.
Txhob ntshai peb cov yeeb ncuab kiag.
Qhia rau cov nyiam qhov tseeb tias,
Kuv Leej Tub Yexus Khetos tau
Muab yeeb ncuab pov los ntiajteb,
Tsis ntev Xatas yuav raug ntes kaw,
Tso tau neeg dim nws txhais tes.
(TXAIS)
Cov kuv hlub’e, nej tsis txhob ntshai,
Txawm lawv cem thiab txawm lawv thuam.
Kuv yuav tsom kwm tus npuab siab kuv
Ib yam li kuv lub ntsiab muag.
-
2. Txawm nej cov yeeb ncuab muaj ntau leej,
Lawv hem thiab cem nej tsis tseg,
Ua lub ncauj lus zoo siab phem,
Los haub ntxias kom nej yuam kev.
Kuv cov tub rog, nej tsis txhob ntshai,
Txhob poob siab txog kev tsim txom,
Kuv yuav cawm cov muab siab npuab kuv
Mus kom txog thaum peb yeej hlo.
(TXAIS)
Cov kuv hlub’e, nej tsis txhob ntshai,
Txawm lawv cem thiab txawm lawv thuam.
Kuv yuav tsom kwm tus npuab siab kuv
Ib yam li kuv lub ntsiab muag.
-
3. Txhob ntshai tias tsam kuv tso koj tseg,
Kuv yog lub zog tiv thaiv koj.
Txawm koj tuag rau hauv tshav rog,
Kuv yeej tsa tau koj rov los.
Txhob ntshai cov uas tua tau lub cev,
Tiamsis txo tsis tau txojsia.
Muab siab npuab kuv mus txog thaum kawg,
Kuv mam pab koj tau txojsia!
(TXAIS)
Cov kuv hlub’e, nej tsis txhob ntshai,
Txawm lawv cem thiab txawm lawv thuam.
Kuv yuav tsom kwm tus npuab siab kuv
Ib yam li kuv lub ntsiab muag.
(Rho ntawm Kc. 32:10; Nhm. 4:14; Nt.Nk. 59:1; 83:2, 3.)
