Sang gab-i antes mapatay si Jesus, ginsugo niya ang iya matutom nga mga sumulunod nga dumdumon, ukon saulugon, ang paghalad niya sang iya kabuhi. Paagi sa paggamit sang tinapay nga wala sing lebadura kag sang mapula nga alak, gin-umpisahan niya ang ginatawag nga Katapusan nga Panihapon ukon ang Panihapon sang Ginuo kag nagsugo: “Padayon ninyo nga himuon ini bilang pagdumdom sa akon.”—Lucas 22:19.

Kada tuig, nagatipon ang mga Saksi ni Jehova sa bug-os nga kalibutan para saulugon ang kamatayon ni Jesus sa anibersaryo sini. Sa 2014, ang Memoryal saulugon sa Lunes, Abril 14, pagkatapos sang pagtunod sang adlaw.

Ginaagda ka namon nga magtambong sa sini nga pagtilipon. Ipaathag diri ang dugang pa nga impormasyon kon ngaa importante gid ang kamatayon ni Jesus. Libre ang pagtambong diri. Wala man sing pagpangolekta. Ang naghatag sa imo sini nga magasin magasugid sa imo sang oras kag lokasyon sang Memoryal nga pagahiwaton sa inyo lugar, ukon mahimo ka magkadto sa amon Web site nga jw.org/hil. Kabay nga makatambong ka sa sini nga okasyon.