Pinasahi nga Pamulongpulong Publiko

Ano ang Makabulig sa Aton mga Problema?

Kadamo gid sing makuha nga panugda subong. Popular gid ang mga libro kag mga programa sa TV nga nagahatag sing panugda sa mga tawo. Pero, may mga problema gihapon. Mahimo mamangkot ka, ‘May makahatag pa bala sing masaligan nga panugda?’ Huo!

Ang Biblia, nga bisan linibo ka tuig na nga ginsulat, may praktikal gihapon nga mga prinsipio nga makasabat sang masunod nga mga pamangkot:

▪ Paano ko masolbar ang mga di-paghangpanay kag mangin maayo ang akon kaangtanan sa iban?

▪ Paano ko masapwan ang kalipay?

▪ Paano ko maatubang ang kapigaduhon?

▪ Paano ko mapahaganhagan ang kahangawa?

Ang sabat sa sini nga mga pamangkot binagbinagon sa pamulongpulong publiko nga “Mga Prinsipio sang Biblia—Makabulig Bala sa Aton Para Malandas ang mga Problema Karon?” Ining pamulongpulong nga base sa Biblia hiwaton sa bilog nga kalibutan sa sobra 230 ka kadutaan. Sa kalabanan nga lugar, hiwaton ini sa Kingdom Hall sang mga Saksi ni Jehova sa Domingo, Mayo 1, 2011.

Nalipay gid ang mga Saksi sa inyo lugar nga ipahibalo sa imo ang oras kag lugar. Ginaagda ka gid nga magtambong.