Madamo nga tawo ang nagaobra tudotudo kada adlaw para mabakal ang ila mga kinahanglanon. Pero bangod sa nagalala nga sitwasyon sa kalibutan nagabudlay pa gid ini. Ngaa?

• Kon may problema sa isa ka lugar, ang panguna nga mga kinahanglanon pareho sang pagkaon kag ilistaran, nagamahal man.

• Kon may krisis, madamo ang nagakadulaan sang obra ukon nagakapilitan nga mag-obra bisan gamay ang sueldo.

• Kon may matabo nga mga kalamidad, mahimo mahalitan ukon maguba ang mga negosyo, mga balay, ukon mga propiedad amo nga madamo ang nagapamigado.

• Kon gamiton mo sing maayo ang imo kuarta, mas preparado ka kon may mag-abot nga krisis.

• Ang imo mga napundar indi permanente. Ang imo sueldo, ang imo savings, kag ang imo mga propiedad mahimo magbarato ukon madulaan sing balor.

• May mga butang man nga indi mabakal sang kuarta, pareho sang kalipay kag paghiusa sang pamilya.

Ang ginasiling sang Biblia: “Kon kita may pagkaon, kag panapton, mangin kontento na kita sa sini.”—1 Timoteo 6:8.

Kon kontento kita, ginakontrol naton ang aton mga gusto kag nalipay na kita kon ara ang aton mga kinahanglanon. Importante gid ini kon apektado ang aton palangabuhian.

Para mangin kontento, mahimo nga kinahanglan mo pasimplehon ang imo kabuhi. Kon ang imo gasto mas daku sa imo kita, magkaproblema ka gid.