“Daw Indi Ko Ini Pagbuy-an”

▪ Sang nagligad nga tuig, isa ka bag-o nga libro nga may 224 ka pahina kag maduagon nga ilustrasyon ang ginpagua sa mga kombension sang mga Saksi ni Jehova sa bug-os nga kalibutan agod gamiton para sa pagtuon sa sadsaran nga mga panudlo sang Biblia. May tig-ulo ini nga Ano Gid ang Ginatudlo Sang Biblia?

“Daw indi ko ini pagbuy-an,” siling sang isa ka bumalasa. “Gintingob sini nga libro ang pinakamaayo nga pamaagi sang pagtudlo sang tanan nga libro sa pagtuon nga akon nabasa kag ginbutang ini sa pila lamang ka pahina.”

Ang isa pa ka bumalasa nagsiling: “Ginapapagsik ka sang tagsa ka pahina nga padayunon pa gid ang pagbasa. Naluyagan ko man kon paano ginasugid sa katapusan sang tagsa ka kapitulo ang pagahinun-anunan sa masunod nga kapitulo. Madamo nga bahin sining libro ang nagpahibi sa akon. Madamo ako sing mga butang nga nanamian sa sining libro amo nga puede na ako makasulat sing isa ka libro nahanungod sini!”

Amo pa gid sini ang ginsiling sang isa ka mainapresyahon nga bumalasa: “Matuod man, ini nga libro isa ka malahalon gid nga espirituwal nga hiyas, kag isa ka maayo gid nga galamiton sa pagtudlo sa bag-o nga mga alagad.”

Ang libro nga Ano Gid ang Ginatudlo Sang Biblia? matigayon na karon sa kapin sa 140 ka lenguahe. Makapangabay ka sing isa ka kopya paagi sa pagsulat sa kaupod nga kupon kag sa pagpadala sini sa adres nga ginhatag ukon sa nagakaigo nga adres sa pahina 5 sini nga magasin.

□ Interesado ako nga makabaton sing kopya sang libro nga Ano Gid ang Ginatudlo Sang Biblia?

□ Palihug kontaka ako tuhoy sa walay bayad nga pagtuon sa Biblia sa puluy-an.