“Nawili Gid Ako sa Inyo mga Magasin”

Ang isa ka sulat nga nabaton sining karon lang sang sanga talatapan sang Watch Tower Society sa Alemanya mabasa sa bahin:

“Ginabaton ko nga nawili gid ako sa inyo mga magasin. Amo sini pirme ang nagakatabo tuigtuig. Antes ako magbakasyon, namat-od ako nga basahon ang duha ka pinakabag-o nga guwa sang Magmata! sa higad-baybay. Isa ka malig-on nga pamat-od!

“Apang sang mauyatan ko na ini, nagsugod na ang problema. Pasiplatan ko lang anay ang mga kaundan. Abaw, isa ka sugilanon sang kabuhi! Basahon ko ini lang anay, para pampagana. Apang daw makawiwili gid ang masunod nga artikulo. Tama na! Kinahanglan ko ining mga magasin agod may mabasa ako sa akon pagbakasyon. Pero isa na lang ka artikulo ang akon basahon. Kag ang mga balita sa “Pagbantay sa Kalibutan” pirme gid impormatibo! Sa katapusan, subong mahimo napaktan ninyo, sang makalab-ot ako sa higad-baybay, nabasa ko na ang tanan nga artikulo.”

Ang pagkamakawiwili sang Magmata! makita sa katunayan nga mga 20,300,000 ka kopya ang ginaimprinta sa tagsa ka guwa sa 82 ka lenguahe. Naluyagan sang mga bumalasa ang positibo nga pagtamod sini. Ginapaathag sang “Kon Ngaa Ginabalhag ang Magmata!,” nga makita sa tagsa ka guwa, nga “ini nga magasin nagapalig-on sing pagsalig sa saad sang Manunuga tuhoy sa isa ka malinong kag may kalig-unan nga bag-ong kalibutan.”

Apang, madamo ang nagapamangkot, ‘Ngaa ginatugutan sang Dios ang pag-antos sing tuman kadugay?’ Ina nga pamangkot ginasabat sa brosyur nga Nagaulikid Gid Bala ang Dios sa Aton? Makapangabay ka sing kopya paagi sa pagsulat sa kaupod nga kupon kag pagpadala sini sa direksion nga makita sa kupon ukon sa nagakaigo nga direksion nga ginlista sa pahina 5 sini nga magasin.

□ Interesado ako nga makabaton sing kopya sang brosyur nga Nagaulikid Gid Bala ang Dios sa Aton?

□ Pakig-anguti ako palihug tuhoy sa walay bayad nga pagtuon sa Biblia sa puluy-an.