Nahibaluan Mo Bala?

(Ang mga sabat sa sini nga mga pamangkot makita sa ginhatag nga mga kinutlo sang Biblia, kag ang bug-os nga listahan sang mga sabat ginhatag sa pahina 29. Para sa dugang nga impormasyon, tan-awa ang publikasyon nga “Insight on the Scriptures,” nga ginbalhag sang Watchtower Bible and Tract Society of New York, Inc.)

1. Sin-o ang nakita ni apostol Juan sa “tunga sang mga kandelero,” nga nagahatag sa iya sing mga mensahe para sa pito ka kongregasyon? (Bugna 1:13)

2. Sa baylo nga pabay-an ang aton kaugalingon nga ‘daugon sang malaut,’ ano ang ginalaygay ni Pablo nga himuon naton? (Roma 12:21)

3. Ano ang buot silingon ni Jesus sang sia nagsiling: “Kon ang isa sa idalom sang awtoridad magpilit sa imo sa pag-alagad sing isa ka milya, updi sia sing duha ka milya”? (Mateo 5:41)

4. Sa baylo sang pagpanalapid sang buhok kag sang bulawan nga mga puni, ano ang ginlaygay ni Pablo sa Cristianong mga asawa nga ipuni sa ila kaugalingon? (1 Pedro 3:​3, 4)

5. Ano ang pagtawag ni Isaias kay Abraham, nga nagapakita nga sia amo ang tawhanon nga amay sang pungsod sang Israel? (Isaias 51:1)

6. Ngaa si David, sang didto sia sa lungib sang Adullam, nagdumili sa pag-inom sang tubig nga gindala sa iya sang tatlo ka hangaway gikan sa Betlehem? (2 Samuel 23:​15-17)

7. Ano ang ginahimo ni Bat-seba sang una sia nga nakita ni David? (2 Samuel 11:2)

8. Sa baylo sang tinta, ano ang ginsiling ni Pablo nga ginsulat sa mga tagipusuon sang mga Cristiano sa Corinto? (2 Corinto 3:3)

9. Sa anong paagi gindula ni Jehova ang mga apan sa ikawalo nga kalalat-an, amo nga wala gid sing nabilin sa Egipto? (Exodo 10:19)

10. Bangod sa anong mga rason nga ginpatay ni Jehova si Saul? (1 Cronica 10:13)

11. Sa anong pantalan nga siudad nagsaylo si Pablo sing sakayan subong bilanggo nga manugkadto sa Roma? (Binuhatan 27:5)

12. Paano ginpakita ni Jehova ang iya kabalaka sa mga balo kag ilo nga mga bata nga lalaki sa dumaan nga Israel? (Exodo 22:​22-24; Deuteronomio 24:​17-21)

13. Ano ang ginhingalan sa latagon nga gintaba sang mga saserdote paagi sa kuwarta nga ginhaboy ni Judas sa templo? (Mateo 27:​3-8; Binuhatan 1:19)

14. Ngaa ginsabdong sing tuman ni Pedro si Simon tungod sang pagtanyag sing kuwarta agod may awtoridad sa pagpaambit sing balaan nga espiritu? (Binuhatan 8:​20, 21)

15. Pila ang edad ni Sara sang ginpanganak niya si Isaac? (Genesis 17:17)

16. Sa ano nga pungsod nagsaylo sanday Elimelec kag ang iya asawa, si Naomi, bangod sang gutom, diin napangasawa sang ila anak nga si Malon si Rut? (Rut 1:​1-4)

Mga Sabat sa mga Pamangkot

1. Si Jesucristo, nga ginlaragway ni Juan subong “kaangay sang anak sang tawo”

2. “Padayon nga dauga ang malaut sang maayo”

3. Ginalaragway niya ang pagkakinahanglanon sang kinabubut-on nga pagpasakop sa makatarunganon nga mga sugo

4. “Ang di-madinulunton nga panapton sang malinong kag malulo nga espiritu”

5. “Ang bato diin ikaw gingikab”

6. Bangod nagarepresentar ini sa dugo nila, nga ginbutang nila sa katalagman agod matigayon ini

7. Nagapaligo

8. “Espiritu sang buhi nga Dios”

9. Isa ka makusog gid nga kanaway nga nagpalid sa ila sa Dagat nga Mapula

10. Nanghikot sia sing di-matutom kay Jehova paagi sa indi pagsunod sa iya mga instruksion kag paagi sa pagpamangkot sa espiritista

11. Mira sa Licia

12. Gin-amanan niya sila sang mga kinahanglanon kag pagkaon nila

13. Akeldama, ukon “Latagon sang Dugo”

14. Nagpakita sia sing sayop nga motibo sa pagtinguha nga baklon ining “walay bayad nga dulot sang Dios,” kag ang iya tagipusuon “indi matadlong sa itululok sang Dios”

15. Nobenta anyos sia

16. Moab