LEKSION 03
Masaligan Mo Bala ang Biblia?
Mabasa sa Biblia ang madamo nga promisa kag mga laygay. Siguro interesado ka kon ano ang ginatudlo sini, pero basi nabudlayan ka nga patihan ini. Masaligan mo bala ang mga promisa kag laygay sa sining daan nga libro? Mapatihan gid bala ang ginasiling sang Biblia nga puede ka mangin malipayon subong kag sa palaabuton? Madamo nga tawo ang nagapati sini. Gani maayo gid nga usisaon mo man ang Biblia.
1. Matuod bala ang mga istorya nga mabasa sa Biblia?
Ang Biblia nagasiling nga nagaunod ini sing ‘sibu nga mga pulong sang kamatuoran.’ (Manugwali 12:10) Nagasugid ini parte sa matuod nga mga hitabo kag sa mga tawo nga nagkabuhi gid sadto. (Basaha ang Lucas 1:3; 3:1, 2.) Madamo nga historian kag archaeologist ang nagsiling nga matuod gid ang mga petsa, tawo, lugar, kag mga hitabo nga narekord sa Biblia.
2. Ngaa makasiling kita nga ang Biblia masaligan gihapon asta subong?
Madamo sing ginasiling ang Biblia nga indi pa pamilyar sa mga tawo sadto. Halimbawa, may ginasiling ini parte sa science nga wala ginapatihan sang mga tawo sadto. Pero ginapamatud-an sang science subong nga matuod gid ang ginasiling sang Biblia. “Masaligan ini pirme, karon kag sa wala sing katubtuban.”—Salmo 111:8.
3. Ngaa masaligan naton ang ginasiling sang Biblia parte sa palaabuton?
Mabasa sa Biblia ang mga tagna a parte sa “mga butang nga wala pa matabo.” (Isaias 46:10) Insakto gid ang gintagna sang Biblia parte sa pila ka hitabo sa kasaysayan. Detalyado man nga gintagna sini kon ano ang mangin sitwasyon naton subong. Sa sini nga leksion, usisaon naton ang pila ka tagna sa Biblia. Hibaluon man naton kon paano ini detalyado nga natabo.
USISAA PA GID
Usisaon naton kon paano ang science subong nagasanto sa ginasiling sang Biblia, kag hibaluon ang pila ka tagna sa Biblia.
4. Ang science nagasanto sa Biblia
Nagapati ang mga tawo sang una nga may ginatungtungan ang duta. Tan-awa ang VIDEO.
Tan-awa bala ang ginsulat sa libro sang Job mga 3,500 ka tuig na ang nagligad. Basaha ang Job 26:7, dayon binagbinaga ini nga pamangkot:
-
Ano ang masiling mo sa ginhambal sang libro sang Job nga ‘ang duta ginabitay sa wala’?
Mga 200 ka tuig pa lang ang nagligad sang naintiendihan sang mga tawo ang parte sa water cycle. Pero tan-awa bala ang ginasiling sang Biblia mga 3,500 ka tuig na ang nagligad. Basaha ang Job 36:27, 28, dayon binagbinaga ini nga mga pamangkot:
-
Ano ang masiling mo sa ginahambal sang Biblia parte sa water cycle?
-
Mas nagsalig ka pa gid bala sa Biblia bangod sa mga bersikulo nga bag-o mo lang ginbasa?
5. Gintagna sang Biblia ang importante nga mga hitabo
Basaha ang Isaias 44:27–45:2, dayon binagbinaga ini nga pamangkot:
-
Ano nga mga detalye ang gintagna sang Biblia 200 ka tuig antes ginpierde ang Babilonia?
Ginpamatud-an sang kasaysayan nga ginsakop ni Hari Ciro sang Persia kag sang iya mga soldado ang siudad sang Babilonia sang 539 B.C.E. b Ginpalikaw nila ang suba nga nagaproteksion sa siudad. Nakasulod sila sa siudad kay wala masiraduhan ang mga geyt, gani napierde nila ang mga kontra nga indi sila kinahanglan makig-away. Sobra 2,500 ka tuig na ini nga natabo, pero ang Babilonia kagulub-an gihapon asta subong. Tan-awa bala ang gintagna sang Biblia.
Basaha ang Isaias 13:19, 20, dayon binagbinaga ini nga pamangkot:
-
Paano ini nga tagna natabo sa Babilonia?
Kagulub-an sang Babilonia nga makita sa Iraq subong
6. Gintagna sang Biblia ang mga nagakatabo subong
Gintawag sang Biblia ang aton tion nga “katapusan nga mga adlaw.” (2 Timoteo 3:1) Tan-awa bala ang gintagna sang Biblia parte sa sini nga tion.
Basaha ang Mateo 24:6, 7, dayon binagbinaga ini nga pamangkot:
-
Ano ang ginsiling sang Biblia nga matabo sa katapusan nga mga adlaw?
Basaha ang 2 Timoteo 3:1-5, dayon binagbinaga ini nga mga pamangkot:
-
Suno sa Biblia, ano ang mga batasan sang mga tawo sa katapusan nga mga adlaw?
-
Diin sa sini nga mga batasan ang nakita mo?
KON MAGSILING ANG IBAN: “Ang nasulat sa Biblia sugidsugid lang kag indi matuod.”
-
Sa banta mo, masaligan gid bala ang Biblia?
SUMARYO
Ang kasaysayan, science, kag mga tagna nagapamatuod nga masaligan ang Biblia.
Rebyu
-
Matuod bala ang mga istorya nga mabasa sa Biblia?
-
Ano nga mga panudlo sang science ang nagasanto sa Biblia?
-
Sa banta mo, ginatagna bala sang Biblia ang matabo sa palaabuton? Ngaa?
DUGANG NGA IMPORMASYON
May ginatudlo bala ang Biblia nga wala nagasanto sa science?
“Nagaugyon Bala ang Siensia sa Biblia?” (Artikulo sa website)
Ano ang gintagna nga matabo sa “katapusan nga mga adlaw”?
“6 ka Tagna sa Biblia nga Nagakatuman Na” (Ang Lalantawan, Mayo 1, 2011)
Tan-awa kon paano natabo ang mga tagna sang Biblia parte sa Emperyo sang Gresya.
Basaha kon paano ang mga tagna sa Biblia nagpabag-o sang pagtan-aw sang isa ka tawo sa Biblia.
Basi Manamian Ka Man
MGA PIRME GINAPAMANGKOT
Ano ang Pagtuon sa Biblia nga Ginatanyag sang mga Saksi ni Jehova?
Ang interactive nga programa nga ginatanyag sang mga Saksi ni Jehova libre lang, kag puede mo gamiton ang bisan ano nga translation sang Biblia nga gusto mo. Mahimo mo man hagaron ang imo bilog nga pamilya ukon ang bisan sin-o nimo nga abyan nga mag-upod sa imo.
