Salmo 37:1-40
Salmo ni David.
א [Aleph]
37 Indi ka magkaakig* bangod sang mga malautonUkon magkahisa sa mga nagahimo sing malain.+
2 Malaya sila gilayon kaangay sang hilamon+Kag malayong kaangay sang berde nga hilamon.
ב [Beth]
3 Magsalig ka kay Jehova kag himua ang maayo;+Magpuyo ka sa duta, kag magmatutom ka.+
4 Magkalipay ka kay Jehova,Kag ihatag niya ang mga handum sang imo tagipusuon.
ג [Gimel]
5 Itugyan* kay Jehova ang imo dalanon;+Magsalig ka sa iya, kag buligan ka niya.+
6 Pasilakon niya ang imo pagkamatarong kaangay sang pamanagbanag,Kag ang imo katarungan kaangay sang udtong-adlaw.
ד [Daleth]
7 Magpakalinong ka sa atubangan ni Jehova+Kag hulata sia nga may kalangkag.*
Indi ka magkaakig sa tawoNga nagamadinalag-on sa iya mga padihot.+
ה [He]
8 Isikway ang kaakig kag bayai ang kasingkal;+Indi ka magkaakig kag maghimo sing malaut.*
9 Kay ang mga malauton laglagon,+Apang ang mga nagalaum kay Jehova magapanubli sang duta.+
ו [Waw]
10 Sa indi na lang madugay, madula na ang mga malauton;+Pangitaon mo sila sa ila nahamtangan,
Kag wala na sila didto.+
11 Apang ang mga mahagop magapanubli sang duta,+Kag mangin malipayon gid sila sa bugana nga paghidait.+
ז [Zayin]
12 Ang malauton nagapahito batok sa matarong;+Nagapabagrot sia sang iya ngipon batok sa iya.
13 Apang kadlawan sia ni Jehova,Kay nahibaluan gid Niya nga maabot ang adlaw nga laglagon sia.+
ח [Heth]
14 Ang mga malauton naggabot sang ila espada kag nagbingat sang ila panaAgod pukanon ang mga ginapigos kag mga imol,Agod pamatyon ang mga matarong.
15 Apang ang ila espada magalapos sa ila tagipusuon;+Mabali ang ila mga pana.
ט [Teth]
16 Ang diutay nga iya sang matarong mas maayoSangsa kabuganaan sang mga malauton.+
17 Kay ang mga butkon sang mga malauton balion,Apang alay-ayon ni Jehova ang mga matarong.
י [Yod]
18 Nahibaluan ni Jehova ang nagakatabo sa kabuhi sang mga wala sing kasaypanan,*Kag ang ila palanublion magapadayon sa wala sing katubtuban.+
19 Indi sila mahuy-an sa tion sang kalamidad;Mabusog sila sa tion sang tiggulutom.
כ [Kaph]
20 Apang ang mga malauton malaglag;+Ang mga kaaway ni Jehova madula kaangay sang katahom sang halalban;Maalimunaw sila nga daw aso.
ל [Lamed]
21 Ang malauton nagahulam kag wala nagabayad,Apang ang matarong maalwan* kag mahinatagon.+
22 Ang mga ginapakamaayo Niya magapanubli sang duta,Apang ang mga ginapakamalaut Niya pagalaglagon.+
מ [Mem]
23 Ginatuytuyan* ni Jehova ang mga tikang sang tawo,+Kon nakasapo Sia sing kalipay sa iya dalanon.+
24 Bisan pa masandad sia, indi sia matumba,+Kay ginauyatan sia ni Jehova sa kamot.*+
נ Nun]
25 Nangin pamatan-on ako kag karon tigulang na,Apang wala pa ako makakita sang matarong nga ginpabay-an,+Ukon sang iya mga anak nga nagapangayukayo sing tinapay.*+
26 Handa sia pirme nga magpahulam,+Kag ang iya mga anak pakamaayuhon.
ס [Samekh]
27 Likawi ang malain kag himua ang maayo,+Kag magakabuhi ka sa wala sing katubtuban.
28 Kay si Jehova mahigugmaon sa katarungan,Kag indi niya pagbiyaan ang mga mainunungon sa iya.+
ע [Ayin]
Bantayan niya sila pirme;+Apang ang kaliwat sang mga malauton pagalaglagon.+
29 Ang mga matarong magapanubli sang duta,+Kag magapuyo sila sa sini sa wala sing katubtuban.+
פ [Pe]
30 Ang matarong nagapamulong nga may kaalam,*Kag nagahambal tuhoy sa katarungan.+
31 Ang kasuguan sang iya Dios yara sa iya tagipusuon;+Ang iya mga tikang indi malingkang.+
צ [Tsade]
32 Ginabantayan sang malauton ang matarong,Ginatinguhaan niya nga patyon sia.
33 Apang indi sia pag-itugyan ni Jehova sa iya,+Ukon pakamalauton kon hukman sia.+
ק [Qoph]
34 Magsalig ka kay Jehova kag sunda ang iya dalanon,Kag padunggan ka niya agod panublion ang duta.
Makita mo+ kon laglagon ang mga malauton.+
ר [Resh]
35 Nakita ko ang mapintas kag malauton nga tawo,Nagagapa sia kaangay sang isa ka madabong nga kahoy sa kaugalingon sini nga duta.+
36 Apang hinali sia nga nagtaliwan kag wala na sia;+Ginpangita ko sia, apang indi ko sia makita.+
ש [Shin]
37 Tan-awa ang wala sing kasawayan,*Kag panilagi ang matarong,+Kay ang palaabuton sina nga tawo mangin mahidaiton.+
38 Apang laglagon ang tanan nga malinapason;Wala sing palaabuton ang mga malauton.+
ת [Taw]
39 Ang kaluwasan sang mga matarong halin kay Jehova;+Sia ang ila pamakod sa tion sang kalisdanan.+
40 Buligan sila kag luwason ni Jehova.+
Tabangan niya sila kag luwason sa mga malauton,Bangod nagdangop sila sa iya.+
Footnote
^ Ukon “mainit.”
^ Sa literal, “Ipaligid.”
^ Ukon “sing mapinasensiahon.”
^ Ukon mahimo, “Indi ka magkaakig, kay magaresulta ini sa kahalitan.”
^ Sa literal, “ang mga adlaw sang wala sing kasawayan.”
^ Ukon “nagapakita sang kahamuot.”
^ Ukon “Ginapalig-on.”
^ Ukon “sang Iya kamot.”
^ Ukon “pagkaon.”
^ Ukon “nagahambal sang kaalam sa mahinay nga tingog.”
^ Ukon “ang isa nga nagahupot sing integridad.”
